Chʼol 9
Jun ak’ na’ajej sa’ li yeechi’inb’il ch’och’
Ke’xkawresi li ch’och’ ut ke’raw li iyaj li ke’xk’am chaq rik’ineb’.
Naq yookeb’ chi b’eek sa’ lix ak’ ch’och’, ke’xtaw k’iila paay chi xulel. Ke’xtaw ajwi’ li oor, li plaat, ut li kaqi ch’iich’.
Li Dios kixye re laj Nefi naq tixyiib’eb’ li perel ch’iich’ re taatz’iib’aq chiruheb’. Laj Nefi kitz’iib’ak chirix lix junkab’al ut lix b’eejik ke’xb’aanu chaq. Kixtz’iib’a ajwi’ li raatin li Dios.
Laj Lehi kitix. Naq toj maji’ nakam, kiraatinaheb’ li ralal ut kixye reheb’ naq te’xpaab’ lix taqlahom li Dios. Jo’kan ajwi’ kirosob’tesiheb’ li ri.
Chirix naq kikam laj Lehi, laj Laman ut laj Lemuel ke’josq’o’ rik’in laj Nefi ut ke’raj xkamsinkil. Ink’a ke’raj naq laj Nefi, iitz’inb’ej chiruheb’, taakanaaq choq’ aj taqlanel reheb’.
Li Qaawa’ kixye re laj Nefi naq tixk’ameb’ xb’e lix komon tiikeb’ xch’ool sa’ li yamyookil ch’och’. Ke’b’eek chiru k’iila kutan toj reetal naq ke’wulak sa’ jun na’ajej li ke’xk’e Nefi choq’ xk’ab’a’.
Eb’ li ke’taaqen re laj Nefi ke’xpaab’ li Dios. Ke’k’anjelak chi kaw ut ke’osob’tesiik. Laj Nefi kixtzoleb’ lix tenamit chi k’anjelak rik’in che’ ut ch’iich’. Ke’xkab’la jun chaq’al ru santil ochoch.
Aj Lamanita kiyeeman reheb’ li ke’taaqen re laj Laman ut laj Lemuel.
Eb’ laj Lamanita ink’a’ ke’xpaab’ lix taqlahom li Dios ut ke’isiik chiru a’an. Lix musiq’ li Dios ink’a’ kiru chi wank rik’ineb’ toj reetal naq ke’xjal xk’a’uxleb’.
Xuleb’ laj Lamanita ut chi kok’ aj xsa’ ke’xpleetiheb’ laj Nefita.