Chʼol 19
Eb’ li ralal laj Mosiah neke’ok choq’ misioneer
Kaahib’eb’ li ralal laj Mosiah: laj Ammon, laj Aaron, laj Omner ut laj Himni. Eb’ a’an ke’wan rik’in laj Alma li alalb’ej naq jun li anjel kixk’ut rib chiruheb’.
Eb’ li ralal laj Mosiah ke’xjal xk’a’uxl chirixeb’ lix maak ut ke’raho’ xch’ool xb’aan li ch’a’ajkilal ke’xyoob’ chaq. Ke’xnaw naq yaal li evangelio, ut ke’raj xk’utb’al chiru li ras riitz’ineb’.
Chixjunqaleb’ li ralal laj Mosiah ink’a’ ke’raj wank choq’ rey. Ruuchil a’an, ke’raj xik jo’ misioneer sa’ xyanqeb’ laj Lamanita re te’osob’tesiiq ajwi’ rik’in li evangelio.
Li rey aj Mosiah kitijok re xnawb’al ma us naq tixkanab’eb’ li ralal chi xik. Li Dios kixye re naq tixkanab’eb’ chi xik, ut naq te’kole’q rix. Naab’aleb’ laj Lamanita te’xpaab’ li raatineb’.
Eb’ li ralal laj Mosiah xkoheb’ chixtzolb’aleb’ laj Lamanita. Ke’xkuy xsa’ ut ke’tijok re naq te’wanq choq’ chaab’il aj misioneer.