Chʼol 42

Eb’ li reetalil lix kamik li Kristo chiru krus

jun winq naxchap li ruq’ jun xqa’al

Ak numenaq chaq oxlaju xka’k’aal chihab’ chalen naq li tenamit ke’ril li reetalil lix yo’lajik li Jesukristo.

3 Nefi 8:2

eb’ li tenamit neke’ilok taqe’q sa’ choxa

Anajwan ke’royb’eniheb’ li reetalil lix kamik: oxib’ kutan chi aak’ab’.

3 Nefi 8:3

eb’ li tenamit neke’wech’ok

Wankeb’ li ink’a’ ke’xpaab’ naq taak’utmanq li eetalil. Eb’ a’an ke’xwech’eb’ li ani neke’paab’an.

3 Nefi 8:4

eb’ li winq sa’ jun li kaq-sut-iq’

Jun kutan kiwakli jun li kaq-sut-iq’ q’axal nim. K’a’jo’ xxuwajel li iq’.

3 Nefi 8:5–6

jun li winq chunchu

Kilemlot xrepom li kaaq, ut li kaaq kixchiq’chiq’i chixjunil li ch’och’.

3 Nefi 8:6–7

eb’ li winq naq yookeb’ chi eelelik

Kixchap xxamlel li tenamit Tzarahemla. Li tenamit Moroni kisub’e’ sa’ xchamal li palaw. Kik’ame’ li ch’och’ sa’ xb’een li tenamit Moronihah.

3 Nefi 8:8–10

jun winq ut eb’ li kok’al

Jun li hiik kixchiq’chiq’i chixjunil li ch’och’. Eb’ li tach’tookil b’e ke’po’e’, ut eb’ li ninqi kab’l ke’t’ane’ chi ch’och’. Naab’al li tenamit ke’kana chi sachenaq ut naab’aleb’ ke’kamsiik.

3 Nefi 8:12–15

jun li kaq-sut-iq’ chiru chixjunil li ch’och’

Li kaq-sut-iq’ ut li hiik ke’kana chiru tana’ xnumik oxib’ hoor.

3 Nefi 8:19

eb’ li tenamit neke’b’eek sa’ q’ojyin

Naq ke’raqe’ li kaq-sut-iq’ ut li hiik, jun chamal aak’ab’ kixtz’ap xb’een li ch’och’. Maab’ar wan li saqen. Eb’ li tenamit ke’ru chireek’ankil xb’ook li aak’ab’.

3 Nefi 8:19–20

jun li junkab’al sa’ li aak’ab’

Kikana li q’ojyin chiru oxib’ kutan. Ink’a’ kiru xlochb’al li xam, ut li tenamit ink’a’ ke’ru chirilb’al li saq’e, li po, chi moko eb’ li chahim.

3 Nefi 8:21–23

eb’ li tenamit neke’yaab’ak sa’ li aak’ab’

Eb’ li tenamit ke’yaab’ak xb’aan li aak’ab’, li sache’k, ut li kamk. Ke’raho’ xch’ool xb’aan naq ink’a’ ke’xjal xk’a’uxl chirixeb’ lix maak.

3 Nefi 8:23–25

eb’ li kristiaan sa’ li aak’ab’

Toja’ naq eb’ li tenamit ke’rab’i lix yaab’ xkux li Jesukristo.

3 Nefi 9:1, 15

jun sachb’il ch’och’ sa’ li aak’ab’

Li Jesus kixye reheb’ resil li xuwajel sache’k sa’ li ch’och’. A’an kixye naq eb’ li q’axaleb’ aj maak ke’kamsiik.

3 Nefi 9:12–13

eb’ li kristiaan naq yookeb’ chi tijok sa’ li aak’ab’

A’an kixye naq aajel ru naq eb’ li ink’a’ ke’kamsiik te’xjal xk’a’uxl. Wi te’xb’aanu ut te’chalq rik’in, a’an taarosob’tesiheb’.

3 Nefi 9:13–14

eb’ li kristiaan sa’ li aak’ab’

K’a’jo’ xsachikeb’ xch’ool li tenamit chirix naq ke’rab’i li xyaab’ kuxej jo’kan naq ke’xkanab’ li yaab’ak. Kiwan chi ch’anch’o chixjunil chiru xnumik k’iila hoonal.

3 Nefi 10:1–2

jun li junkab’al sa’ li aak’ab’

Li Jesus ki’aatinak wi’chik ut kixye naq naab’al sut kixsik’ xtenq’ankileb’ li tenamit. Wi te’xjal xk’a’uxl anajwan, toj te’ruuq chi sutq’iik rik’in.

3 Nefi 10:3–6

eb’ li kristiaan neke’ilok taqe’q

Chirix xnumik oxib’ kutan ki’oso’ li aak’ab’. Li tenamit kisaho’ sa’ xch’ool ut rik’in sahil ch’oolejil ke’b’antioxin chiru li Qaawa’.

3 Nefi 10:9–10