Chʼol 40

Laj Samuel aj Lamanita naxye resil li Jesukristo

eb’ laj Lamanita naq yookeb’ chi b’eek

Eb’ laj Lamanita ke’ab’in chiruheb’ lix taqlahom li Dios. Ke’wulak chi tiik wi’chik xch’ooleb’ chiruheb’ laj Nefita.

Helaman 13:1

laj Samuel najultikan aatin chiruheb’ laj Nefita

Laj Samuel, jun profeet aj Lamanita, xko’o Tzarahemla chi jultikank aatin chiruheb’ laj Nefita aj maakeb’. A’an kixye reheb’ naq te’xjal xk’a’uxl.

Helaman 13:2

laj Samuel na’eelelik chiruheb’ laj k’aaka’lenel aj Nefita

Eb’ laj Nefita ke’risi chaq laj Samuel sa’ li tenamit ut a’an kixk’am xb’e sa’ lix ch’och.

Helaman 13:2

laj Samuel naq yoo chi tijok

A’b’an li Qaawa’ kixye re laj Samuel naq taasutq’iiq wi’chik Tzarahemla ut tixye reheb’ li tenamit li k’a’aq re ru tixk’e chaq li Qaawa’ sa’ li raam.

Helaman 13:3

laj Samuel najultikan aatin sa’ xb’een li xaqxookil tz’ak re li tenamit

Eb’ laj Nefita ink’a’ ke’xkanab’ naq laj Samuel taa’ok sa’ li tenamit, jo’kan naq a’an kitaqe’ sa’ xb’een li xaqxookil tz’ak re li tenamit, ut aran ki’ok chi jultikank aatin.

Helaman 13:4

eb’ li tenamit neke’rab’i li raatin laj Samuel

A’an kixch’olob’ jo’ profeet naq sa’ kaahib’ cient chihab’ eb’ laj Nefita te’sache’q raj wi ta ink’a’ te’xjal xk’a’uxl ut te’xpaab’ li Jesukristo.

Helaman 13:5–6

laj Samuel na’aatinak

Laj Samuel kixye reheb’ laj Nefita naq li Jesukristo taayo’laaq sa’ oob’ chihab’ chik ut naq tixkoleb’ chixjunileb’ li te’paab’anq re.

Helaman 14:2

jun li chahim taqe’q sa’ xb’een li tenamit Belen

Laj Samuel kixe reheb’ resileb’ li reetalil lix yo’lajik li Jesus. Taawakliiq jun ak’ chahim, ut sa’ li q’ojyin taayo’laaq wi’ li Jesus ink’a’ taaq’ojyino’q li kutan.

Helaman 14:3–5

eb’ li winq chunchuukeb’ sa’ q’ojyin

Toja’ naq laj Samuel kixye reheb’ resileb’ li reetalil lix kamik li Jesus. Taawanq oxib’ kutan re chamal aak’ab’—li saq’e, li po, ut eb’ li chahim ink’a’ te’lemtz’unq.

Helaman 14:20

li kaaq naxketeb’ li kab’l

Taawanq ajwi’ li kaaq, raq’ kaaq, ut eb’ li hiik. Te’uq’e’q li tzuul ut naab’al li tenamit te’kanaaq chi sachenaq.

Helaman 14:21–24

eb’ laj Nefita neke’aatinak rik’in laj Nefi

Junjunqeb’ aj Nefita ke’xpaab’ li raatin laj Samuel ut ke’xjal xk’a’uxl chirixeb’ lix maak. Eb’ a’an xkoheb’ chixsik’b’al laj Nefi, jun aj Nefita tiik xch’ool li naru chixkub’sinkileb’ xha’.

Helaman 16:1

eb’ li tenamit neke’xkut laj Samuel rik’in tzimaj

Eb’ li rela’ aj Nefita ink’a’ ke’xpaab’ li raatin laj Samuel. Ke’xkuti chi pek ut ke’xkut rik’in tzimaj. A’b’an li Qaawa’ kixkol rix, ut maajun xpekeb’ chi moko xtzimaj ke’ru chixketb’al.

Helaman 16:2

eb’ laj Nefita neke’kutuk rik’in tzimaj

Naq ke’ril naq ink’a’ neke’ru chixketb’al, naab’aleb’ ke’paab’ank ut xkoheb’ rik’in laj Nefi re naq te’kub’siiq xha’.

Helaman 16:3

laj Nefi naxkub’si xha’ jun li winq

Laj Nefi kixtzoleb’ ajwi’ li tenamit chirix li Jesus. Kiraj naq te’paab’anq chirix li Jesus, naq te’xjal xk’a’uxl, ut naq te’kub’eeq xha’.

Helaman 16:4–5

eb’ li winq neke’taq’ek rik’in li eeb’

A’b’anan, lix k’ihaleb’ laj Nefita ink’a’ ke’xpaab’ li raatin laj Samuel. Ke’xsik’ xchapb’al.

Helaman 16:6

laj Samuel naxkut rib’ sa’ xb’een li xaqxookil tz’ak

Laj Samuel kixkut rib’ sa’ xb’een li xaqxookil tz’ak, ut ki’eelelik toj sa’ xch’och’ a’an.

Helaman 16:7

laj Samuel nak’utuk chiruheb’ laj Lamanita

Laj Samuel ki’ok chi jultikank aatin sa’ xyanqeb’ laj Lamanita. Maajun wa chik ki’ab’iman resil sa’ xyanqeb’ laj Nefita.

Helaman 16:7–8