Mwakoro 50
Tenaan Iaretaite a kitana Babera
Iareta ma tarina bon mwaane aika raoiroi ake a maeka n te kaawa ae bubura ae Babera. A maeka tebubua te ririki imwaia tenaan Nibwaite.
Angiia aomata i Babera a buakaka. A katea te taua ni kataia bwa e na roko i karawa. Te Uea e moanna n un ao e bita aia taetae.
Iareta e bubutia tarina bwa e na tataro ao ni bubutia te Uea bwa e na aki bita aia taetae aia utu ao raoraoia.
Tarin Iareta e tataro, ao te Uea e kaeka ana tataro. Iareta, tarina, ao aia utu ao raoraoiia a bon teimatoa n oota n aia taetae temanna nakon temanna.
Te Uea e tuanga tarin Iareta bwa e na ikotiia ana utu ao raoraona ao ni kitana te aba. A uotii aia man ao aekakin nako koraa ma ngaiia.
Te Uea e taku bwa e na kairiia tenaan Iaretaite nakon te aba ni berita.
Tenaan Iaretaite a karekei manikiba ao ika ni uotii ma ngaiia.
A uoti bwariko ni manibeeru.
Tenaan Iaretaite a mwananga inanon te rereua. Te Uea e taetae nakoiia man te nang ao e tuangiia bwa e ngaa kawaia are a na toua.
Te Uea e taku bwa aomata ake a maeka inanon te aba ni berita a riai ni beku ibukin te Atua ke a na kamaunaaki.
Ngke tenaan Iaretaite a roko i mataniwiin te aba, a katei aia umanrianna. A tiku imataniwiin taari inanon aua te ririki.