Ana Boki Ita
Rekotiia Iaretaite, are a anaaki mani bwaatua ake uabwi ma aua ake a kuneaki irouia ana aomata Rimwaai n ana bong ni maiu te Uea are Motiaea.
Mwakoro 1
Moronaai e kauarerekea ana koroboki Ita—E a kateaki rikin Ita—E aki kamangaoaki aia taetae Iaretaite n te taua are Bwabera—E berita te Uea bwa e na kairiia nakon te aba ae rine ma ni karikiia bwa te botanaomata ae korakora.
1 Ao ngkai Ngai, ae aMoronaai, I a waaki n anga rongorongoia kaain ngkoa ake a kamaunaki ni bbain te Uea iaon te aba i meang.
2 Ao I karekea au reekoti ma ni bwaatua ake auabwi ma aua ake a kuneaki irouia ana botanaomata Rimwaai, are e aranaki bwa ana Boki Ita.
3 Ao I katautau inanou bwa moan te reekoti aio, are e atongaki iai aron karikan te aonaba, ao Atam naba, ao te rongorongo man te tai anne ni karokoa naba te ataua are e korakora, ao bwaai ni kabane ake a riki i buakoia natiia aomata ni karokoa te tai anne, bon iai i buakoia Iutaia—
4 Ngaia are I aki koroi bwaai ake a riki man ana atai Atam ni karokoa te tai anne; ma bon iai iaon bwaatua; ao ane e kunei, e na bon reke irouna te mwaaka bwa e na karekea te rongorongo ae bwanin.
5 Ma nooria, I aki anga te rongorongo ae bwanin ma mwakoron te rongorongo ae I anga, man te taua rikaaki ni karokoa ae a kamaunaki.
6 Ao ibukin aei are I anga te rongorongo. Teuare e korea te rongorongo aei bon aIta, ao bon kanoan Koriantoa.
7 Koriantoa bon natin Mooron te mwaane.
8 Ao Mooron bon natin Eetem te mwaane.
9 Ao Eetem bon natin Aa te mwaane.
10 Ao Aa bon natin Teeta te mwaane.
11 Ao Teeta bon natin Tiburon te mwaane.
12 Ao Tiburon bon natin Koom te mwaane.
13 Ao Koom bon natin Koriantam te mwaane.
14 Ao Koriantam bon natin Aminikata te mwaane.
15 Ao Aminikata bon natin Aaron te mwaane.
16 Ao Aaron bon kanoan Eta, are bon natin Eatom te mwaane.
17 Ao Eatom bon natin Riibu te mwaane.
18 Ao Riibu bon natin Kiti te mwaane.
19 Ao Kiti bon natin Korom te mwaane.
20 Ao Korom bon natin Rewi te mwaane.
21 Ao Rewi bon natin Kim te mwaane.
22 Ao Kim bon natin Morianton te mwaane.
23 Ao Morianton bon kanoan Ribwakite.
24 Ao Ribwakite bon natin Teeti te mwaane.
25 Ao Teeti bon natin Eta te mwaane.
26 Ao Eta bon natin Koom te mwaane.
27 Ao Koom bon natin Koriantam te mwaane
28 Ao Koriantam bon natin Emera te mwaane.
29 Ao Emera bon natin Aoma te mwaane.
30 Ao Aoma bon natin Tiure te mwaane.
31 Ao Tiure bon natin Kiibe te mwaane.
32 Ao Kiibe bon natin Oria te mwaane, are bon natin Iareta te mwaane;
33 Are bon aIareta are e roko ma tarina ma aia utu, ao tabeman riki ma aia utu, man te taua are e korakora, n te tai are te Uea e bkamangaoa iai aia taetae aomata ma ni berita i nanon unna bwa a na bane ni kamaenakoaki ciaon te aonaba, ao n aron ana taeka te Uea a bane aomata ni kamaenakoaki.
34 Ao atarin Iareta, bon te mwaane ae tetoa ma ni korakora, ao bon te mwaane ae korakora nanonakina iroun te Uea, Iareta, are tarina, e taku nakoina: Taang nakon te Uea, bwa e na bon aki kamangaoira bwa ti na aki oota n ara taetae.
35 Ao e a koro bukina bwa tarin Iareta e bon tang nakon te Uea, ao te Uea e bon nanoanga Iareta; ngaia are e bon aki kamangaoa ana taetae Iareta; ao Iareta ma tarina a bon aki kamangaongaoaki.
36 Ao ngkanne Iareta e taku nakon tarina: Taang riki nakon te Uea, bwa e aonga n ae e na katannakoa unna mai irouia ake raoraora, bwa e na aki kamangaoa aia taetae.
37 Ao e a koro bukina bwa tarin Iareta e bon tang nakon te Uea, ao te Uea e bon nanoangaiia raoraoia ma aia utu naba, ao a bon aki kamangaoaki.
38 Ao e a koro bukina bwa e taetae riki Iareta nakon tarina, ni kangai; Nako ao titirakina te Uea bwa tao e na kakioira nako man te aba, ao ngkana e na kakioira nako man te aba, taang nakoina bwa tao ti na nakea. Ao antai ae e na ataia tao e na uotira te Uea nakon te aba riki ae arine iaon te aba ni kabuta? Ao ngkana ngaia anne, ao ti na bon kakaonimaki nakon te Uea, bwa ti aonga ni karekea bwa ti na bwaibwai iai.
39 Ao e a koro bukina bwa tarin Iareta e bon tang nakon te Uea n aron are e a tia n taekinaki ni wiin Iareta.
40 Ao e a koro bukina bwa te Uea e bon ongo iroun tarin Iareta, ao e bon nanoangaia, ma n taku nakoina:
41 Naako ao ikotiia am nanai, mwaane ao aine, n aekaia nako; ao koraan te aba naba ni kabane n aekaia nako; ao am autu; ao Iareta naba are tarim ma ana utu; ao braoraom naba ma aia utu, ao raoraon naba Iareta ma aia utu.
42 Ao ngkana ko a tia ni karaoa aio ao ko na arimoaia rikaaki nakon te mwarua are i meang. Ao N na kaitibo ma ngkoe, ao N na nako n brimoam nakon te aba are e crine i aoia aaba n te aonaba.
43 Ao i kekei are N na kakabwaiako ma kanoam, ma ni kateirakea ma ni kanoam ibukiu, ao kanoan tarim, ao ake a nako ma ngaia, te botanaomata ae korakora. Ao a na bon akea riki te botanaomata ae korakora nakon are N na kateirakea i bukiu ma ni kanoam, iaon te aba. Ao N na karaoa aio nakoim ibukin maanin te tai are ko tang iai nakoiu.