Mwakoro 35
Kaaben Moronaai ao Bwaoraan
E rangi ni kukurei Kaben Moronaai n ongo bwa Ereman ma ana taanga ni buaka a tia ni kaoka abaia Nibwaite aika bati mairouia Reimwanaite.
Ma Ereman ao ana taanga ni buaka a kainnanoa buokaia. E aki tau mwaitin aia tautia ni kamaiu kaawa aika mwaiti.
E korea te reta Kaaben Moronaai nakon Bwaoraan, te mataniwi n tia moti ao te kowana. E bubutia Bwaoraan ni karokoia riki tautia ni buoka ana taanga ni buaka Ereman.
Reimwanaite a buakana aia kawa Nibwaite are e a tia n anaia ni kaokia Ereman. A tiringiia Nibwaite aika mwaiti ao ni kakioia nako nikiraia man te kawa.
E un irouia taan kairiri n te tautaeka ibukina bwa aki kanakoa te buoka, E a manga korea te reta riki teuana nakon Bwaoraan.
E korea te reta Kaaben Moronaai bwa a mwaiti aomata aika kamateaki ibukina bwa Bwaoraan e aki kanakoia riki tautia.
Ngkana e aki kawaetata Bwaoraan ni kanakoia mwaane ao te amwarake, Moronaai e na kaira ana taanga ni buaka nako Taraemera ao n anaa are a kainnanoia.
Ni waekoa e karekea te reta Moronaai mairoun Bwaoraan. E rangi n nanokawaki ngke Moronaai ma ana taanga ni buaka a kainnano.
Bwaoraan e tuanga Moronaai bwa koraki n Nibwaite aika buakaka ake aranaki bwa koraki ake a tangira temana bwa e na uea a aki tangiria bwa ngaia te mataniwi n tia moti. A tia ni kakioia nako ma taan boutokaia mai Taraemera.
Bwaoraan e taekinna bwa e ikotiia te taanga ni buaka ni kataia n anaia ni kaoka Taraemera.
Te koraki ake a tangira temanna bwa e na uea a tia n rinea te uea bwa aia tia kairiri ao a raonia Reimwanaite.
E aki un Bwaoraan n te bwai are koreia Moronaai. E tangiriia Nibwaite bwa a na inaomata naba.
E butiia Moronaai ni kairiia tabeman mwaane ni buokia ao n taku bwa ngkana Moronaai e ikotiia mwane riki iaon kawaia, e na kona te reitaki n taanga ni buaka ni manga kaoka Taraemera.
E kukurei Kaaben Moronaai bwa Bwaoraan e bon teimatoa n tangira abana ao e bon tangira inaomataia ana aomata.
Ma tabeman ana mwaane, Moronaai e nako ni kaitibo ma Bwaoraan. E uota te buraeki ni inaomata, ao ngaa aomata a iriia iaon kawaia.
Aia reitaki n taanga ni buaka Moronaai ao Bwaoraan a mwaati ni kaaitara Taraemera. A tiringa aia uea Nibwaite ae buakaka ao a tauiia ana aomata.
Ngkanne Moronaai e kanakoa te amwarake ao 12,000 tautia ni buoka aia taanga Nibwaite. Taanga ni buaka aikai a kanakoia Reimwanaite, ao e a manga reke te rau n te aba.