Mwakoro 28

Tioramwaite ao te Ramantam

Toramwaite a taromauri bouananti

Tenaan Tioramwaite a tia ngkoa n riki bwa kaain ana Ekaretia te Atua ma a manga riki ni buakaka ao a taromauri bouananti.

Aramwa 31:1, 8–9

Aramwa ao mitinare tabeman

Tenaan Nibwaite a tangiria n tukiia tenaan Tioramwaite bwa a na botaki ma tenaan Reimwanaite, ma ngaia are Aramwa e nako ma tabeman mitinare n taekina ana taeka te Atua nakoia Tioramwaite.

Aramwa 31:4, 11

mitinare ao Tioramwaite

Mitinare aikai a miimi ao n un n aroia Tioramwaite n taromauri n aia umwantabu, aranaki bwa tinakoke.

Aramwa 31:12

te mwaanee tei iaon te tabo n tei

I nukan te umwantabu, tenaan Tioramwaite a tia ni katea te tabo n tei ae rietaata ae aranna bwa te Ramantam. Iai ruuna ibukin tii temanna te aomata n tei iaona.

Aramwa 31:13, 21

te mwaane ma baina n te ea

Tenaan Tioramwaite a kairuoruo n tei ikekei, a tararake nako karawa ao n takarua ni kaokioka te tataro ae ti te arona.

Aramwa 31:14, 20

te aomata ma baina n te ea

N te tataro aei, tenaan Tioramwaite a taku bwa akea rabwatan te Atua; bon tii te tamnei. A taku naba bwa a na akea Kristo.

Aramwa 31:15–16

te aomata ae tataro iaon te tabo n tei

A taku tenaan Tioramwaite bwa te Atua e tii rineiia bwa a na kamaiuaki n abanuean karawa. A anga aia kakaitau ngkai a riki bwa ana aomata ae nanoniia.

Aramwa 31:17–18

A nakonako Tioramwaite

Ngkana e tia temanna te Tioramwaite n tataro, a okiri mweengaia ao aki tataro ke n tataekina riki aron te Atua n te wiki ae bwanin.

Aramwa 31:12, 23

Tioramwaite ma aia bwaai

Tioramwaite ake a kaubwai a tangira te koora ao te tirewa, ao a wiinrang ni kamoamoa n taekin kaubwaiia. Aramwa e rawawata nanona n noora buakakaia.

Aramwa 31:24–25

Aramwa e tataro

Aramwa e tataro ibukina ao ana mitinare bwa a na kakorakoraaki, karauaki nanoia ao tokanikai n aia mwakuri.

Aramwa 31:26, 32–33

mitinare a tataro

Imwiin te bubuti te buoka ni kairiia tenaan Tioramwaite rikaaki nakon te koaua, Aramwa ao mitinare ake tabeman a kaonaki n te Tamnei are Raoiroi.

Aramwa 31:34–36

mitinare a karekei kanaia

Tenaan mitinare ngkanne a uamaae nakon taabo aika kakaokoro n reirei. E kakabwaiaia te Atua n te amwarake ao kunnikai ao ni kakorakoraiia n aia mwakuri.

Aramwa 31:37–38

mitinare a reireiniia aomata aika kainano

Tenaan Tioramwaite ake a kainano a aki kariaiakaki inanon taian umwantabu. Aomata aikai a moanna ni kakuongo nakoia mitinare.

Aramwa 32:2–3

E kabwarabwara Aramwa

A mwaiti aika titirakina Aramwa bwa tera ae a na karaoia. E tuangiia Aramwa bwa aki kainnanoia bwa a na mena inanon te umwantabu n tataro ke n taromauria te Atua.

Aramwa 32:5, 10–11

Amureki e reireiniia aomata

E tuangiia bwa a na onimaki iroun te Atua. Ao ngkanne Amureki e reireiniia aron Iesu Kristo ao ana baire te Atua ibukiia natina.

Aramwa 32:17–21; 34:8–9

naake a kakoaua a kitana te kawa

Mitinare a nako, ao tenaan Tioramwaite ake a kakoauaia a teweakinako man te kawa. Taan kakoaua a nako ni maeka n aban Ietion ma ana aomata Amon.

Aramwa 35:1-2, 6

a mataku aomata irouia ake a nako

E ngae ngke Tioramwaite a kakamakuia ana aomata Amon, ana aomata Amon e buokiia Tioramwaite aika raoiroi ao n anganiia te amwarake, kunnikai ao te aba.

Aramwa 35:8-9