Mwakoro 34
Ereman ao 2,000 Taan Buaka aika Kairake
Ngke aia kaiririba ana aomata Amon a ekinakoiia tenaan Nibwaite, ana aomata Amon a tangiria ni urua aia berita ao ni buokiia Nibwaite ni buaka.
Ereman ao tabeman aia tia kairii Nibwaite aki tangiriia ana aomata Amon bwa a na urua aia berita nakon te Atua.
Natiia mwaane aika kairake ana aomata Amon a tuai ni karaoa te berita. A tangiria ni buokiia ana taanga ni buaka tenaan Nibwate ni buaka ibukin inaomataia.
Uoua tenga taan buaka aika kairake mwaane a rineia ni kamanoa abaia. A tuanga Ereman bwa e na riki bwa aia tia kairiiri.
Ataenimwaane aikai bon mwaane aika a nanonimwaane, ninikoria, ao a aintoa. A bon kokoaua naba ao a onimakinaki, ao a kawakin ana tua te Atua.
Ereman e kairiia ana 2,000 taan buaka aika kairake inanon te buaka. E araniia bwa natina mwaane, ao ngaiia a aranna bwa tamaia.
E ngae ngke natin Ereman mwaane a tuai man buaka, a bon aki maaku. Tinaia a reireiniia ni karekea te onimaki iroun te Atua ao n ataia bwa e na bon buokiia.
Ereman ao ana tanga ni buaka a tia n irii bubuaka tabeua ni kaaitaraia Reimwanaite. Kairake n ataeinimwaane aikai a bon rangi n ongotaeka nakon ana oota Ereman.
A ninikoria ni buaka ao a buoka kakionakoaia aia kairiribai. Imwin te buaka Ereman e kunea bwa ni kabane natina mwaane a bane n ikoaki ma akea temanna ae tiringaki.
Bon te kakai. Ereman e bon rangi ni kukurei. E ataia bwa kairake n ataeinimwaane aikai a tia ni kamanoaki ibukin aia onimaki ae korakora iroun te Atua.