Mwakoro 48
Te Rau i Amerika
Imwin Iesu ngke e okira karawa, ana reirei a katea ana Ekaretia ni kabutaa te aba.
Aomata ake a rairinanoia man aia bure a bwabetitoaki ao ni karekea te Tamnei ae Raoiroi.
N te tai ae waekoa Nibwaite ao Reimwanaite a bane n rairaki. Akea te kakauntaeka ao a bane ni kokoaua.
Akea ae kaubwai ke ae kainnano. Aomata a tibwai bwaai ni kabane, ao ngaiia ni kabane a karekei bwaai ake a kainanoi.
Reirei a karaoi kakai aika mwaiti inanon aran Iesu Kristo. A kamarurungiia aoraki ao a kaokii maiuiia ake a mate.
Aomata a katei kaawa aika boou ike tabeua a tia n uruaki.
A ongotaeka nakon ana tua te Atua. Aki mamatam ao a tataro ao a kakaitibo n taainako n ongoraea ana taeka te Atua.
Aomata a kukurei.
Akea te irae, akea te kewe, akea te tiritiri. Aomata akea te manga bwenaua n riki bwa Nibwaite ke Reimwanaite ma a riki n tii teuana, natin te Kristo.
Te Uea e kakabwaiaia aomata ni bwaai ni kabane ake a karaoi.
A maeka inanon te rau inanon 200 te ririki. Aomata a riki n rangi ni kaubwai.