Mwakoro 45
Iesu Kristo E Reirei taekan te Toa ao te Tataro
Iesu Kristo e kanakoia ana reirei ni karekei tabeua kariki ao wain. E tuangiia Nibwaite bwa a na tekateka iaon tano.
Ao ngke a oki ana reirei, e anaa te kariki ao e bwenauaia ao e kakabwaia. E anganiia ana reirei ao e tuangiia bwa a na anga tabeua nakoia aomata.
Iesu e taku bwa aomata ake anaa te toa a berita bwa a na uringnga n taainako ao ana anganano. Ngkanne a na karekea Tamneina.
Iesu Kristo e kakabwaia te wain ao e anganiia ana reirei. Reirei a anga te wain nakoia aomata.
Iesu e taku koraki ake anaa te toa a berita ni kawakin ana tua.
Iesu e tuangiia riki ana reirei bwa ni kabane aomata ake anaa te toa ao n uringnga n taainako a na karekea Tamneina.
E tuangiia ana reirei a na kakabwaiaaki ngkana a kawakina ana tua.
E tuangiia bwa a na tataro n taainako ao n tataro ngkai a tia n nooria n tataro.
Te Tia Kamaiu e tuangiia ni kabane Nibwaite n tataro nakon Tamara i Karawa inanon arana. E tuangiia naba n tataro ma aia utu.
E taku bwa aomata a riai n ikoikotaki n taainako. A riai ni butimwaiia tabeman nakon aia bobotaki, tataro ibukiia, ao ni kaota te katooto ae raoiroi nakoia.
Te Tia Kamaiu e anganiia ana reirei te mwaaka n anga te Tamnei ae Raoiroi. Ngkanne te nang e rabuniia aomata n te aro are ti ana reirei ae a noora Iesu Kristo ngke waerake nako karawa.