Mwakoro 12
Te Uea ae Beniamina
Te Uea ae Beniamina bon aia uea Nibwaite ae raoiroi. N aia ibuobuoki aomata aika raoiroi, e uota te raoi nakon te aba.
Te Uea ae Beniamina e rikirake ni kara ao e tangiria ni kan taetae nakoia ana aomata. E na tuangiia bwa natina te mwane ae Motiaea e na riki bwa te uea imwiina.
A roko aomata mai aon te aba ni kabuta ao ni ikotaki irarikin te tembora. A katei aia umwanrianna n te aro are mataroaia e kaitaraa te tembora.
E taetae Te Uea ae Beniamina man te taua bwa aonga ni kona n ongo irouna taian Nibwaite.
E tuangiia ana aomata bwa e a tia ni kataia ma te korakora bwa e na mwakuri ibukiia. Te kawai ni mwakuri ibukin te Atua bon man te mwakuri ibukin temanna.
Te Uea ae Beniamina e tuangiia aomata bwa a na ongeaba nakon ana tua te Atua. Te koraki ake a kakaonimaki ni kawakin tuua a na kukurei ao n teuana te tai a na maeka ma te Atua.
E taku te Uea ae Beniamina bwa n te tai ae waekoa e na bungiaki Iesu Kristo i aon te aba. Aran tinana bwa Maria.
Iesu e na karaoi kakai. E na kamaiua te aoraki ao ni kaoka te mate nakon te maiu. E anganiia mataki te nooraba ao bonotaninga bwa a na ongo.
E na korakai Iesu ao ni mate ibukin aia bure aomata ni kabane. Te koraki ake a rairinanoia ao n karekei aia onimaki iroun Iesu a na kabwaraki aia bure.
Te Uea ae Beniamina e tuangiia Nibwaite bwa aomata aika buakaka a na kataerea Iesu. Ngkanne a na tauria.
Imwiin teniua te bong ao e na manga uti Iesu.
Imwin taetaen te Uea ae Beniamina, a bwaka taian Nibwaite nako aontano. A nanokawaki ibukin aia bure ao a kan rairinanoia.
Aomata iai aia onimaki iroun Iesu Kristo, ao a tataro bwa a na kabwaraaki aia bure.
E kaon nanoia te Tamnei are Raoiroi. A ataia bwa te Atua e a tia ni kabwarai aia bure ao e tangiriia. A namaakina te rau ao te kukurei.
Te Uea Beniamina e tuangiia ana aomata bwa a na kakoaua te Atua. E tangiriia bwa a na ataia bwa te Atua ngaia ae kariki bwaai ni kabane ao bwa e wanawana ao e korakora mwaakana.
Te Uea ae Beniamina e tuangiia aomata bwa a na nanorinano ao n tataro ni katoa bong. E tangiriia ana aomata bwa a na aki toki ni uringa te Atua ao ni kakaonimaki.
E tuangiia kaaro n aki kariaia natiia ni un ao ni kauntaeka.
E tuangiia bwa a na reireiniia natiia bwa a na ongeaba ao n tangira ao ni buokia aomata.
E kauringiia aomata bwa a na karaurau n te bwai are a iangoia, ao n taekinna, ao ni karaoia. A na kakaonimaki ao ni kawakin tuua inanon nikiran maiuia.
Te Uea ae Beniamina e titirakiniia aomata ngkana a kakoaua ana reirei. A bane n taku bwa a kakoauaa. E a tia te Tamnei are Raoiroi ni bitiia, ao aki manga tangiria ni bure.
A bane n anga ngaiia, ke ni berita, ni kawakin ana tua te Atua. Te Uea ae Beniamina e kukurei.
Te Uea ae Beniamina e angan natina Motiaea te nakoa bwa e na riki bwa te uea ae boou. Teniua te ririki imwina te Uea ae Beniamina e mate.
Motiaea bon te uea ae raoiroi. E mwakuri mwaaka ao ni beku ibukia ana aomata, n aron are e kakaraoia ana karo.