Mwakoro 40: Tamuera te Reimwanaite e Taetaekina taekan Iesu Kristo

Tamnei

A nakonako Reimwanaite

Reimwanaite a ongotaeka n ana tua te Atua. A rikirake n raoiroi riki nakoia tenaan Nibwaite.

Tamnei

Tamuera e kabwarabwara nakoia Nibwaite

Tamuera, te burabeti ae te Reimwanaite, e nako Taraemera ni kabwarabwara nakoia Nibwaite ake a buakaka. E tuangiia bwa a na rairinanoia.

Ereman 13:2

Tamnei

Tamuera e biri man aia tia tararua Nibwaite

Tenaan Nibwaite a kaotinakoa Tamuera man te kaawa, ao e moana okina nakon oin ana kaawa.

Ereman 13:2

Tamnei

E tataro Tamuera

Ma te Uea e tuanga Tamuera bwa e na okira riki Taraemera ao n tuangiia aomata te bwai are e na bon tuanga te Uea.

Ereman 13:3

Tamnei

Tamuera e kabwarabwara man te oo

Nibwaite aki kariaia bwa e na rin Tamuera n te kaawa, ngaia are e a tamarakea taubukin oon te kaawa ao e a kabwarabwara mai ikekei.

Ereman 13:4

Tamnei

aomata a ongora iroun Tamuera

E taetae ni burabeti bwa tenaan Nibwaite a na kamaunaaki inanon 400 te ririki ma a na aki ngkana aomata a rairinanoia ao a karekea te onimaki iroun Iesuu Kristo.

Ereman 13::5–6

Tamnei

Tamuera e taetae

Tamuera e tuangiia Nibwaite bwa Iesu Kristo e na bungiaki inanon nimaua te ririki ao bwa e na kamaiuia ni kabane ake a na kakoaua.

Ereman 14:2

Tamnei

te itoi iaon Betereem

Tamuera e tuangiia taekan te kanikina ni bungiakin Iesu. Te itoi ae boou e na kaoti, ao te tairiki are imwain bungiakin Iesu e na aki roo.

Ereman 14:3–5

Tamnei

mwaane a tekateka inanon te roo

Ngkanne Tamuera e tuangiia kanikinaean maten Iesu. E na riki te rotongitong inanon teniua te bong —taai, namwakaina, ao itoi a na aki oota.

Ereman 14:20

Tamnei

te iti e oroi kateitei

E na iai naba te iti ma te baa ao te mwaeiei. Maunga a na maenako ni bwaka, ao mwaitiia kaawa a na uruaki.

Ereman 14:21–24

Tamnei

Nibwaite a taetae nakon Nibwaai

Tabeman Nibwaite a kakoaua Tamuera ao a rairinanoia man aia bure. A nako ni kakaea Nibwaai, te Nibwaite ae raoiroi are e kona ni bwabetitoiia.

Ereman 16:1

Tamnei

aomata a katebea Tamuera n aia kainikatebe

Nikiraia Nibwaite aki kakoaua Tamuera. A kareia n atibu ao a katebea n aia kainikatebe. Ma te Uea e kamanoa, ao akea te atibu ke kanoan kainiikatebe are e teke iai.

Ereman 16:2

Tamnei

Nibwaite a kanakoi aia kanoa ni katebe

Ngke aomata a noora are e aki kona n teke, a mwaiti riki aika kakoaua ao a nako ni kawara Nibwaai bwa a na bwabetitoaki.

Ereman 16:3

Tamnei

Nibwaai e bwabetitoa te mwaane

Nibwaai e reireinia naba taekan Iesu. E tangiriia bwa ana onimaki iroun Iesu, rairinanoia, ao ni bwabetitoaki.

Ereman 16:4–5

Tamnei

mwaane a tamarake ni kaitamarake

Angiia Nibwaite, ni bon atakina, aki kakoaua Tamuera. A kataia n taua.