Mau ’ā’amu o te pāpa’ira’a mo’a
Pene 41 : Te mau tāpa’o nō te fānaura’a o te Mesia

Pene 41

Te mau tāpa’o nō te fānaura’a o te Mesia

Hōho’a
Nephi e hōro’a ra i te mau pāpa’a parau i tāna tamaiti

’Ua hōro’a Nephi, te tamaiti a Helamana, i te mau papa’a parau ’e te mau pāpa’ira’a mo’a i tāna tamaiti matahiapō, ’o Nephi.

3 Nephi 1:2

Hōho’a
te mau ta’ata e paraparau ra

’Ua ’ite te ’āti Nephi i te mau tāpa’o rarahi ’e te mau temeio ’o tā te mau peropheta i parau e tupu hou te fānaura’a o Iesu Mesia.

3 Nephi 1:4

Hōho’a
te mau ta’ata e ’ata ra

’Ua parau rā vetahi ’āti Nephi ē ’ua mahemo a’ena te taime nō te fānaura’a o Iesu. ’Ua fa’ao’ō’o rātou i te feiā tei ti’aturi noa i te tohura’a a Samuela te ’āti Lamana.

3 Nephi 1:5–6

Hōho’a
te mau ta’ata e fa’aro’o ra i te ta’ata pa’ari

’Ua ’oto te feiā tei ti’aturi ia Iesu Mesia ’e i te mau peropheta i te ferurira’a ē te ’ōpani nei te hō’ē mea i te mau tohura’a ’ia tupu.

3 Nephi 1:7

Hōho’a
te ’utuāfare e hi’o ra i ni’a

’Ua tīa’i ha’apa’o maita’i te mau ta’ata i te hō’ē pō pōiri ’ore, ’o te tāpa’o ïa nō te fānaura’a o Iesu Mesia.

3 Nephi 1:8

Hōho’a
te mau ta’ata e tā’ai ra

’Ua mā’iti te feiā tei ’ore i ti’aturi ia Iesu Mesia i te hō’ē mahana nō te taparahi pohe i te feiā tei ti’aturi mai te mea ’aita te tāpa’o e tupu.

3 Nephi 1:9

Hōho’a
Nephi

’Ua ’oto roa Nephi nō te ’ino o te feiā tei ’ore i ti’aturi i te Fa’aora.

3 Nephi 1:10

Hōho’a
Nephi e pure ra

’Ua pure Nephi i te mau mahana ato’a nō te mau ta’ata e haerehia e taparahi pohe.

3 Nephi 1:11–12

Hōho’a
Nephi

’Ua tāmāhanahana te Fatu ia Nephi ’e ’ua parau iāna ē e’ita te reira pō e pōiri. ’Ua fānauhia Iesu i te mahana i muri iho i Betelehema.

3 Nephi 1:13

Hōho’a
te ’utuāfare e hi’o ra te topara’a mahana

I taua pō ra, ’ua topa te mahana, ’aita rā i pōiri. ’Ua tae mai te tāpa’o nō te fānaura’a o Iesu Mesia. ’Ua māere te nuna’a.

3 Nephi 1:15

Hōho’a
te feiā ’ino i ni’a i te repo

’Ua topa te feiā tei ’ōpua i te taparahi pohe i te feiā tei ti’aturi i raro ’e mai te mea ra ’ua pohe.

3 Nephi 1:16

Hōho’a
e piti ta’ata

’Ua ri’ari’a rātou nō tō rātou ’ino. I teienei ’ua ’ite rātou ē e fānauhia mai te Fa’aora ’e e parau mau tā te mau peropheta.

3 Nephi 1:17–18

Hōho’a
te mau fa’ehau i roto i te ’āua fa’a’apu

’Ua vai māramarama noa i te pō tā’āto’a. I te taera’a mai te po’ipo’i i muri iho, ’ua ’ite te nuna’a ē ’ua fānauhia Iesu Mesia i te reira mahana. ’Ua tupu te mau tohura’a.

3 Nephi 1:19–20

Hōho’a
’ua ’ite te mau ta’ata i te feti’a ’āpī

’Ua fā mai te hō’ē feti’a ’āpī i ni’a i te ra’i, mai tā te mau peropheta i parau.

3 Nephi 1:21

Hōho’a
vahine ’e te tāne e hi’o ra i ni’a

’Ua tāmata noa Sātane i te rave ’eiaha te mau ta’ata e ti’aturi i te mau tāpa’o ’o tā rātou i ’ite, ’ua ti’aturi rā te rahira’a.

3 Nephi 1:22

Hōho’a
Nephi e bāpetizo ra i te hō’ē ta’ata

’Ua bāpetizo Nephi ’e te tahi atu mau feiā fa’atere o te ’Ēkālesia i te feiā ato’a tei ti’aturi ’e tei tātarahapa.

3 Nephi 1:23

Hōho’a
te mau ta’ata i roto i te ’oire

Tē vai ra te parau ’oa’oa i roto i te fenua nō te mea, ’ua tupu te mau parau a te mau peropheta. ’Ua fānauhia Iesu Mesia.

3 Nephi 1:26