Pene 40 : Samuela te ’āti Lamana e parau ra nō Iesu Mesia

Hōho’a

te mau ’āti Lamana e haere ra

’Ua ha’apa’o te ’āti Lamana i te mau fa’auera’a a te Atua. ’Ua riro rātou ’ei mea parau-ti’a a’e i te ’āti Nephi.

Hōho’a

Samuela e poro ra i te ’āti Nephi

’Ua haere Samuela, te hō’ē peropheta ’āti Lamana, i Zarahemela nō te poro i te ’āti Nephi ’ino. ’Ua parau ’oia ia rātou ’ia tātarahapa.

Helamana 13:2

Hōho’a

Samuela e horo ra i mua i te mau tīa’i ’āti Nephi.

’Ua huri te ’āti Nephi ia Samuela i rāpae i te ’oire, ’e ’ua ha’amata ’oia e ho’i i tōna iho fenua.

Helamana 13:2

Hōho’a

Samuela e pure ra

Tera rā, ’ua parau te Fatu ia Samuela ’ia ho’i fa’ahou i Zarahemela ’e ’ia parau i te nuna’a i te mea tā te Fatu e tu’u atu i roto i tōna ’ā’au.

Helamana 13:3

Hōho’a

Samuela e poro ra mai ni’a mai i te papa’i

’Aita te ’āti Lamana i hina’aro e tu’u ia Samuela ’ia tomo atu i roto i te ’oire, ’ua pa’uma ’oia i ni’a roa i te papa’i o te ’oire ’e ’ua poro mai nā reira.

Helamana 13:4

Hōho’a

mau ta’ata e fa’aro’o ra ia Samuela

’Ua tohu ’oia ē, e ha’amouhia te ’āti Nephi i roto e 400 matahiti maori ra ’ia tātarahapa te nuna’a ’e ’ia roa’a te fa’aro’o ia Iesu Mesia.

Helamana 13:5–6

Hōho’a

Samuela e parau ra

’Ua parau Samuela i te ’āti Nephi ē e fānauhia Iesu Mesia i roto i nā matahiti e pae, ’e e fa’aora ’oia i te feiā ato’a tei ti’aturi iāna.

Helamana 14:2

Hōho’a

te feti’a i ni’a ia Betelehema

’Ua parau Samuela ia rātou nō ni’a i te mau tāpa’o nō te fānaura’a o Iesu. E fā mai te hō’ē feti’a ’āpī, ’e i te pō hou Iesu e fānauhia mai ai, ’aita e pōiri.

Helamana 14:3–5

Hōho’a

te mau ta’ata e pārahi ra i roto i te pōiri

I muri iho, ’ua parau Samuela ia rātou te mau tāpa’o nō te pohe o Iesu. E vai mai te pōiri e toru mahana—’aita te mahana, te mārama ’e te mau feti’a e ’ana’ana mai.

Helamana 14:20

Hōho’a

te mau fare patu e tā’irihia e te uira

Tē vai ra ato’a te pātiri ’e te uira ’e te mau ’āueuera’a fenua. E marua mai te mau mou’a, ’e e rave rahi mau ’oire e ha’amouhia.

Helamana 14:21–24

Hōho’a

te ’āti Nephi e paraparau ra ia Nephi

’Ua ti’aturi vetahi ’āti Nephi ia Samuela ’e ’ua tātarahapa i tā rātou mau hara. ’Ua haere rātou e fārerei ia Nephi, te hō’ē ’āti Nephi parau-ti’a ’o te nehenehe e bāpetizo ia rātou.

Helamana 16:1

Hōho’a

te mau ta’ata e te’a ra ia Samuela

Te toe’a o te ’āti Nephi tei ’ore i ti’aturi ia Samuela. ’Ua tāora atu rātou i te ’ōfa’i ’e ’ua te’a atu iāna. ’Ua pāruru rā te Fatu iāna, ’e ’aita hō’ē o te mau ’ōfa’i ’aore rā te mau te’a i tano i ni’a iāna.

Helamana 16:2

Hōho’a

te ’āti Nephi e te’a ra

I te ’itera’a te nuna’a e ’aita ’ōna e tanohia ra, ’ua rahi atu ā tei ti’aturi iāna ’ē ’ua haere ia Nephi ra ’ia bāpetizohia.

Helamana 16:3

Hōho’a

Nephi e bāpetizo ra i te hō’ē ta’ata

’Ua ha’api’i ato’a Nephi i te nuna’a nō ni’a ia Iesu. ’Ua hina’aro ’oia ia rātou ’ia ti’aturi ia Iesu, ’ia tātarahapa ’e ’ia bāpetizohia.

Helamana 16:4–5

Hōho’a

te mau ta’ata e ta’uma ra i ni’a i te ’ē’a

Teie rā, ’aita te rahira’a o te ’āti Nephi i ti’aturi ia Samuela. ’Ua tāmata rātou i te haru iāna.

Helamana 16:6

Hōho’a

Samuela e ’ōu’a ra nā ni’a mai te papa’i

’Ua ’ōu’a mai Samuela nā ni’a mai i te papa’i ’e ’ua horo atu i tōna iho fenua.

Helamana 16:7

Hōho’a

Samuela e ha’api’i ra i te ’āti Lamana

’Ua ha’amata Samuela i te ha’api’i i te āti Lamana. ’Aita tōna parau i fa’aro’o-fa’ahou-hia i rotopū i te ’āti Nephi.

Helamana 16:7–8