Pene 28
Te ’āti Zorama ’e te Rameumepitoma
’Ua hina’aro te ’āti Nephi e āra’i ’eiaha te ’āti Zorama ’ia ’āmui atu i te ’āti Lamana, ’ua haere atu Alama ’e te tahi mau misiōnare e poro i te parau a te Atua i te ’āti Zorama.
’Ua māere teie mau misiōnare ’e ’ua ’oto nō te huru e ha’amori ai te ’āti Zorama i roto i tā rātou mau ’ēkālesia, tei parauhia te mau sunago.
I rōpū i te ’ēkālesia, ’ua patu i te ’āti Zorama i te hō’ē pa’epa’e teitei tei pi’ihia te Rameumepitoma. E vāhi e rava’i noa nō hō’ē ta’ata nō te ti’a i ni’a roa.
E ti’a te ’āti Zorama te tahi i muri mai i te tahi, ma te toro i te rima i te ra’i ’e te fa’ahitira’a i te hō’ē ā pure.
I roto i teie pure, e parau te ’āti Zorama ē ’aita tō te Atua e tino ; e vārua noa tōna. Tē parau ato’a ra rātou ē e ’aita e Mesia e vai ra.
’Ua mana’o te ’āti Zorama ē ’ua mā’iti te Atua ia rātou ’ia fa’aorahia i roto i te bāsileia o te ao. ’Ua ha’amāuruuru rātou te rirora’a ’ei nuna’a mā’itihia.
I muri a’e i te pure tātaitahi a te ’āti Zorama, e ho’i rātou i te fare ’e ’aita e pure ’aore rā e paraparau nō ni’a i te Atua nō te hepetoma tā’āto’a.
Mea au nā te ’āti Zorama e moni tā rātou i te ’auro ’e te ’ario ’e ’ua fa’ateitei nō tā rātou mau tao’a o te ao nei. ’Ua ’oto Alama i te ’itera’a i tō rātou ’ino.
’Ua pure Alama nōna ’e tāna mau misiōnare ’ia noa’a te pūai, te tāmāhanahana, ’e te manuia i roto i tā rātou ’ohipa.
I muri iho i te anira’a i te tauturu nō te fa’aho’i mai i te ’āti Zorama i te parau mau, ’ua ’ī Alama ’e te tahi mau misiōnare i te Vārua Maita’i.
’Ua haere te mau misiōnare i muri iho i te mau vāhi ta’a ’ē nō te poro haere. ’Ua ha’amaita’i te Atua ia rātou i te mā’a ’e te ’ahu ’e ’ua ha’apūaihia rātou i roto i tā rātou ’ohipa.
’Aita te ’āti Zorama veve e fa’ati’ahia ’ia tomo i roto i te mau fare pure. ’Ua ha’amata teie mau ta’ata i te fa’aro’o i te mau misiōnare.
E rave rahi tei ui ia Alama e aha tā rātou e nehenehe e rave. ’Ua parau Alama ia rātou ’aita rātou ’e tītauhia ’ia tomo i roto i te hō’ē fare pure nō te pure ’aore rā nō te ha’amori i te Atua.
’Ua parau ’oia ia rātou ’ia noa’a te fa’aro’o i te Atua. I muri iho, ’ua ha’api’i Amuleka ia rātou nō ni’a ia Iesu Mesia ’e nō ni’a i te fa’anahora’a a te Atua nō tāna mau tamari’i.
’Ua haere te mau misiōnare ’e ’ua tīahihia te mau ’āti Zorama tei ti’aturi ia rātou i rāpae i te ’oire. ’Ua haere te feiā tei ti’aturi e ora i roto i te ’oire nō Ieresona ’e te nuna’a o Amona.
Noa atu ’ua fa’ari’ari’a te ’āti Zorama ’ino i te nuna’a o Amona, ’ua tauturu te nuna’a o Amona i te ’āti Zorama parau-ti’a ’e ’ua hōro’a i te mā’a, te ’ahu ’e hō’ē fenua.