Pene 45
Tē ha’api’i nei Iesu Mesia nō ni’a i te ’ōro’a mo’a ’e te pure
’Ua tono Iesu Mesia i tāna mau pipi ’ia ti’i mai i te tahi faraoa ’e te uaina. ’Ua parau ’oia i te ’āti Nephi ’ia pārahi i ni’a i te repo.
I te ho’ira’a mai te mau pipi, ’ua vāvāhi te Fa’aora i te pāne ma te tuha’a ’e ha’amaita’i ihora te reira. ’Ua hōro’a ’oia te tahi nā tāna mau pipi ’e ’ua hōro’a te tahi nā te nuna’a.
’Ua parau Iesu i teie nuna’a ’o tei rave i te ’ōro’a mo’a ’ia fafau e ha’amana’o noa iāna ’e i tāna tusia. I reira rātou e fāri’i ai i tōna Vārua.
’Ua ha’amaita’i Iesu Mesia i te uaina ’e ’ua hōro’a te tahi nā tāna mau pipi. ’Ua hōro’a atu te mau pipi te tahi nā te nuna’a.
’Ua parau Iesu i te feiā ’o tei rave i te ’ōro’a mo’a ’ia fafau e ha’apa’o i tāna mau fa’auera’a.
’Ua parau fa’ahou Iesu i tāna mau pipi ē te ta’ata e rave i te ’ōro’a mo’a ’e e ha’amana’o noa’ iāna e fāri’i ’oia i tōna Vārua.
’Ua parau ’oia i tāna mau pipi ē e ha’amaita’ihia rātou mai te mea e ha’apa’o rātou i tāna mau fa’auera’a.
’Ua parau ’oia ia rātou ’ia pure tāmau noa ’e ’ia pure mai tā rātou i ’ite iāna i te purera’a.
’Ua parau te Fa’aora i te ’āti Nephi ato’a ’ia pure i te Metua i te Ao ra nā roto i tōna i’oa. ’Ua fa’aue ato’a ’oia ia rātou ia pure ’e tō rātou mau ’utuāfare.
’Ua parau ’oia i te nuna’a ’ia putuputu pinepine. ’Ia fāri’i poupou rātou ia vetahi i tā rātou mau putuputura’a, ’ia pure nō rātou, ’e ’ia riro ’ei hi’ora’a maita’i nō rātou.
’Ua hōro’a te Fa’aora i tāna mau pipi te mana nō te hōro’a i te Vārua Maita’i. I muri iho, ’ua tāpo’ihia te nuna’a i te hō’ē ata, mai tē huru ra o te mau pipi ana’e tei ’ite ia Iesu Mesia i te revara’a atu i te ra’i.