Pene 48
Te hau i Amerika
I muri a’e i te ho’ira’a Iesu i te ra’i, ’ua fa’anaho tāna mau pipi i tāna ’Ēkālesia nā te fenua.
’Ua bāpetizohia te mau ta’ata ’o tei tātarahapa i tā rātou mau hara ’e ’ua fāri’i i te Vārua Maita’i.
’Aita i maoro ’ua fa’afāriuhia te ’āti Nephi ’e te ’āti Lamana ato’a. ’Aita rātou i marō ’e e mau ta’ata parau-ti’a rātou.
’Aita e ta’ata moni ’aore rā e ta’ata veve. E hōro’a te mau ta’ata i te mau mea ato’a, tē vai ra tā rātou pā’āto’a te mau mea tā rātou i hina’aro.
’Ua fa’atupu te mau pipi i te mau temeio e rave rahi i te i’oa o Iesu Mesia. ’Ua fa’aora rātou i te ma’i ’e ’ua fa’aho’i mai tei pohe i te ora.
’Ua patu te nuna’a i te mau ’oire ’āpī i te vāhi ’ua ha’amouhia vetahi.
’Ua ha’apa’o rātou i te mau fa’auera’a a te Atua. ’Ua ha’apae rātou te mā’a ’e ’ua pure ’e ’ua putuputu pinepine nō te fa’aro’o i te parau a te Atua.
’Ua ’oa’oa te nuna’a.
’Aita e vai ra te feiā ’ēia, te ha’avare, te taparahi ta’ata. ’Aita te nuna’a i fa’ata’a-’ē-hia ’ei ’āti Nephi ’e ’ei ’āti Lamana ’ua riro rā rātou ’ei hō’ē, te mau tamari’i a te Mesia.
’Ua ha’amaita’i te Fatu i te nuna’a i roto i te mau mea ato’a tā ratou e rave.
’Ua ora rātou i roto i te hau e 200 matahiti. ’Ua riro te nuna’a ’ei mau ta’ata tao’a rahi.