Vahe 36
Ko Heikoti
Naʻe mavahe atu ʻi he taʻu ʻe 55 ki muʻa ke ʻaloʻi ʻa Sīsū Kalaisí, ha kau tangata Nīfai ʻe toko laui afe mo honau ngaahi uaifí mo ʻenau fānaú mei he fonua ko Seilahemalá ki he fakatokelaú.
Naʻe ʻi ai ha taha ʻo kinautolu, ko ha tangata naʻe ui ko Heikoti, naʻá ne foʻu ha vaka lahi pea toho ia ki he tahi fakahihifó.
Naʻe tokolahi ʻa e kau Nīfai naʻa nau heka ki ai mo haʻanau meʻakai ʻo nau tukufolau fakatokelau ʻi he vaká ni.
Naʻe toe foʻu ʻe Heikoti ha ngaahi vaka lahi kehe ʻa ia naʻa nau fetuku ʻa e kakaí ki he fonua fakatokelaú. Pea naʻe foki mai hono ʻuluaki vaká ʻo toe ʻoatu mo ha kakai tokolahi ki he fakatokelaú.
Naʻe toe tukufolau atu mo ha vaka. Ka naʻe ʻikai toe foki mai ʻa e ngaahi vaká, naʻe ʻikai toe ʻilo ʻe he kau Nīfaí ia pē ko e hā naʻe hoko kia kinautolú.