Vahe 15

Ko e Akonaki mo e fai Papitaiso ʻa ʻAlamaá

Alma writing

Naʻe hola ʻa ʻAlamā mei he kau tamaioʻeiki ʻa e Tuʻi ko Noá ʻo toitoi ʻi ha ngaahi ʻaho lahi. Lolotonga ʻene toitoí, naʻá ne tohi ʻa e ngaahi meʻa naʻe leaʻaki ʻe ʻApinetaí.

Mōsaia 17:3–4

Alma teaching others

Naʻe fakatomala ʻa ʻAlamā mei heʻene ngaahi angahalá, peá ne ʻalu fakafufū ki he kau Nīfaí, ʻo akoʻi ʻa e ngaahi lea ʻa ʻApinetaí. Naʻe fakahā ange ʻe ʻAlamā ki he kakaí ke nau tui kia Sīsū Kalaisi mo fakatomala.

Mōsaia 18:1, 7

Alma

Naʻe toitoi ʻi he taimi ʻahó ʻa ʻAlamā, ʻi ha ʻulu ʻakau ʻi ha veʻe vai naʻe ui ko e Ngaahi Vai ʻo Molomoná.

Mōsaia 18:5

Alma baptizing others

Naʻe omi ʻa e kakai naʻe tui ki he ngaahi akonaki ʻa ʻAlamaá ki he Ngaahi Vai ʻo Molomoná ke papitaiso ai ʻa kinautolu. Naʻe hanga ʻe ʻAlamā ʻo papitaiso ai ha kakai ʻe toko 204 ki he Siasi ʻo Kalaisí.

Mōsaia 18:8–10, 16–17

Alma ordaining priests

Naʻe fakanofo ʻe ʻAlamā ha kau taulaʻeiki ke nau akoʻi ʻa e kakaí. Naʻá ne fakahā ki he kau taulaʻeikí ke nau akoʻi ʻa e fakatomalá pea mo e tui kia Sīsū Kalaisí. Naʻá ne toe pehē foki kuo pau ke ʻoua naʻa nau fekeʻikeʻi ka ke nau uouangataha.

Mōsaia 18:18, 20–21

men sharing

Naʻe feʻofaʻaki mo fetokoniʻaki ʻa e kakai ʻo ʻAlamaá. Naʻa nau vahevahe ʻa e meʻa kotoa pē naʻa nau maʻú pea mo houngaʻia ʻI heʻenau ako ʻo fekauʻaki mo Sīsū Kalaisi, ko honau Huhuʻí.

Mōsaia 18:29–30

Noah’s servants spying on Alma

Naʻe mamata ʻa e kau tamaioʻeiki ʻa Noá ki hono akoʻi ʻe ʻAlamā ʻa e kakaí. Naʻe pehē ʻe he tuʻí ʻoku hanga ʻe ʻAlamā ʻo fakatafoki ʻa e kau Nīfaí ke nau angatuʻu ange kiate ia, ko ia ai naʻá ne fekau ha kau tau ke fakapoongi kinautolu.

Mōsaia 18:32–33

Alma and others fleeing

Naʻe fakatokanga ʻa e ʻOtuá kia ʻAlamā ʻoku haʻu ʻa e kau tau ʻa e Tuʻi ko Noá. Naʻe hanga leva ʻe he kakaí ʻo tānaki fakataha mai honau ngaahi fāmilí, fanga monumanú mo ʻenau ngaahi koloa kehé ʻo nau hola ki he toafá.

Mōsaia 18:34; Mōsaia 23:1

King Noah’s soldier

Naʻe fakamālohia ʻe he ʻOtuá ʻa e kakai ʻo ʻAlamaá koeʻuhí ke nau lava ʻo hola mei he kau tau ʻa e Tuʻi ko Noá. Naʻe kumi kinautolu ʻe he kau taú ka naʻe ʻikai ke nau ʻilo kinautolu.

Mōsaia 19:1; Mōsaia 23:2

people planting

Naʻa nau fononga ʻi he toafá ʻi ha ʻaho ʻe valu, pea nau aʻu mai ki ha fonua fakaʻofoʻofa naʻe maʻu ai ha vai maʻa. Naʻa nau tō ai ʻenau ngaahi ngoué mo langa ha ngaahi fale.

Mōsaia 23:3–5

Alma talking with others

Naʻe loto ʻa e kakaí ke hoko ʻa ʻAlamā ko hanau tuʻi. Ka naʻe finangalo ʻa e ʻOtuá ke nau tauʻatāina.

Mōsaia 23:6–7, 13