“Далайн шуурга,” Мормоны Номын түүхүүд (2023)
“Далайн шуурга,” Мормоны Номын түүхүүд
Далайн шуурга
Их Эзэнээс амар амгаланг олох нь
Их Эзэн усан онгоцонд суух цаг нь боллоо хэмээн Лихайд хэлэв. Аялж байхдаа идэх хоол хүнсээ гэр бүлүүд ихээр бэлтгэв. Тэгээд тэд бүгд усан онгоцонд сууж, амлагдсан нутаг тийш аяллаа.
Далайд олон өдөр байсны дараа зарим нь хүндэтгэлгүй, балмад болж эхлэв. Их Эзэн өөрсдөд нь тусалсан гэдгийг тэд мартжээ.
Тэд Их Эзэнийг уурлуулсан байж магад хэмээн Нифай шаналав. Их Эзэний тусламжгүйгээр тэдний усан онгоц аюулгүй болох боломжгүй болжээ. Нифай ах нараасаа болихыг гуйв.
Лемен, Лемүел хоёр Нифайд уурлав. Тэд түүнийг хүлж, түүнд муухай хандав. Тэд Их Эзэнийг дуулгавартай дагасангүй, мөн Лиахона ажиллахаа болив. Удалгүй их шуурга боллоо. Гурван өдөр шуурсны дараа тэд бүгд живнэ хэмээн айв.
Нифайн гэр бүлийнхэн Лемен, Лемүел хоёроос Нифайн хүлээсийг тайлж өгөхийг гуйв. Гэвч Лемен, Лемүел хоёр хэнд ч Нифайн хүлээсийг тайлахыг зөвшөөрөхгүй хэвээр байлаа. Сариа, Лихай хоёр гуниглаж, хүнд өвджээ. Шуурга зогссонгүй.
Дөрөв дэх өдөр нь Лемен, Лемүел хоёр усан онгоц живэх гэж байгааг мэдэв. Тэд наманчилж, Нифайн хүлээсийг тайлжээ. Нифайг залбирах үед шуурга зогслоо. Лиахона дахин ажиллав. Нифай усан онгоцыг зөв зүгт жолоодохдоо үүнийг ашиглажээ.
Олон өдрийн дараа гэр бүлүүд амлагдсан нутагт хүрч ирэв.