9

Ako Adunay Lawas Sama sa Langitnong Amahan

Pasiuna alang sa Magtutudlo

Aron sa pag-andam sa imong kaugalingon nga espiritwal nga motudlo niini nga leksyon, palihug basaha ug palangdonga ang mosunod:

Ang kada usa kanato usa ka anak sa Dios. Ang mga kasulatan nagtudlo kanato nga “Gibuhat sa Dios ang tawo sa iyang kaugalingong dagway” (Genesis 1:27; tan-awa usab sa Moises 2:26–27; Abraham 4:26–27). Nagpasabut kini nga ang atong mga lawas sama Kaniya. Si Propeta Joseph Smith nakakita sa Langitnong Amahan ug ni Jesukristo, ug siya mitudlo nga “ang Amahan adunay lawas nga unod ug mga bukog nga mahikap ingon sa tawo, ug ang Anak usab” (D&P 130:22).

Mga Kalihokan sa Pagkat-on

Sugdi pinaagi sa kalihokan sa panagpundok. Alang sa mga ideya, tan-awa sa pahina 3.

Pag-ampo

Pagdapit og usa ka bata nga mohatag sa pangbukas nga pag-ampo.

Kanta

Kantaha ang unang bersikulo sa “I Am a Child of God” [Ako Anak sa Dios] Children’s Songbook, 2 [Songbook sa mga Bata]

Ako anak sa Dios,

Gipadala dinhi,

Panimalay, ginikanan

Ako gihatagan.

Balika, ug dapita ang mga bata sa pagpaminaw o mokanta uban kanimo. Sultihi sila nga kon kita moingon “Dios” nagpasabut kita nga Langitnong Amahan.

Istorya sa Kasulatan

Ipakita ang litrato sa pahina 42. Isaysay og lakbit ang istorya sa Unang Panan-awon ni Joseph Smith aron sa pagtudlo sa mga bata nga ang Langitnong Amahan adunay lawas nga sama sa atoa (tan-awa sa Joseph Smith—Kasaysayan 1:17). Sa ubos usa ka ehemplo:

Sa diha nga bata pa si Joseph Smith (itudlo si Joseph diha sa litrato), nag-ampo siya sa Langitnong Amahan. Usa ka butang nga kahibulongan ang nahitabo. Si Joseph nakakita sa Langitnong Amahan ug ni Jesukristo (itudlo ang Langitnong Amahan ug si Jesus diha sa litrato). Sila miabut ug nakigsulti ngadto ni Joseph. Si Joseph nakakita nga ang Langitnong Amahan adunay usa ka lawas nga sama kanato. Ang Langitnong Amahan adunay mga bukton. Aduna ba kamoy mga bukton? Ipakita kanako ang inyong mga bukton. Ang Langitnong Amahan adunay mga kamot. Aduna ba kamoy mga kamot? Ipakita kanako ang inyong mga kamot. Ang Langitnong Amahan adunay nawong. Aduna ba kamoy nawong? Hikapa ang inyong nawong. Kamo usa ka tinuod nga tawo. Ang Langitnong Amahan tinuod nga tawo. Gilalang Niya ang inyong lawas. Aduna Akoy Lawas sama sa Langitnong Amahan.

First Vision

Balak o Kanta-Kanta nga Kalihokan

Dapita ang mga bata sa pagbarug ug mohimo sa mosunod nga balak o kanta-kanta nga kalihokan uban kanimo:

Aduna akoy espesyal nga lawas

Gihatag kanako sa Langitnong Amahan. (ibutang ang mga kamot sa dughan)

Gihatagan Niya ako og mga dalunggan aron ako makadungog (ibutang ang kamot nga pinasawod luyo sa dunggan)

Ug mga mata aron ako makakita. (itudlo ang mga mata)

Gihatagan Niya ako og mga kamot aron ako makapakpak, (ipakpak ang mga kamot)

Duha ka mga tiil aron makatuyok. (tuyok)

Ug kon gusto ko, akong hikapon ang akong mga tudlo sa tiil (yuko ug hikapa ang mga tudlo sa tiil)

Hangtud diha sa yuta.

Kon maghunahuna ako sa akong lawas, (ibutang ang tudlo sa ulo)

Ang pinakamaayo niini mao

Nga ang Langitnong Amahan miplano niini

Nga tan-awon nga hilabihan ka sama Kaniya. (lingkod sa hilom)

Panapos

Dapita ang mga bata sa pagsunod human nimo, og pipila ka mga pulong sa kada higayon, “adunay akoy lawas nga sama sa Langitnong Amahan.” Ipahayag ang imong pasalamat alang sa imong lawas.

Pag-ampo

Pagdapit og usa ka bata nga mohatag og panapos nga pag-ampo.

Mga Tip sa Pagtudlo

Mga Kalihokan sa Pagkat-on: Panid-i ang pag-apil sa mga bata atol sa mga kalihokan. Nasayud ikaw sa mga kasarang ug mga panginahanglan sa mga bata sa imong nursery. Ipahiangay ang mga kalihokan ingon sa kinahanglan. (Tan-awa sa Pagtudlo, Walay Labaw ka Mahinungdanon nga Tawag, 33–34.)

Balak o Kanta-Kanta nga Kalihokan: Mahimo nga imong gamiton ang kalihokan ginamit ang mga bersikulo sa bisan unsang higayon panahon sa klase sa nursery, kon kinahanglan ang mga bata nga maglihok-lihok, o kon gusto nimo nga sila maminaw. Maayo usab kini nga paagi sa pagribyu sa mga baruganan nga una nimong gitudlo.

Opsyonal nga Kalihokan

Pagpangandam

• Alang sa istorya ginamit ang finger-puppet: Kopyaha, kolori, ug guntinga ang mga finger puppet nga anaa sa pahina 91.

  coloring page, First Vision

• Alang sa kalihokan sa pagpaluta: Pagdala og blangko nga piraso sa papel alang sa kada bata ug usa ka butang nga kasuwatan.

• Alang sa kalihokan ginamit ang larawan: Kopyaha ang larawan diha sa pahina 43 alang sa kada bata.

  coloring page, I Have a Body

  Aduna akoy lawas sama sa Langitnong Amahan

  Aduna akoy nawong sama sa Langitnong Amahan.

  Aduna akoy duha ka mga kamot sama sa Langitnong Amahan.

  Aduna akoy duha ka mga tiil sama sa Langitnong Amahan.

Kanta

Kantaha o isulti ang mga pulong sa “Head, Shoulders, Knees, and Toes” [Ulo, Abaga, Tuhod, Tiil] Children’s Songbook, 275 [Songbook sa mga Bata] ug itudlo ang kada bahin sa lawas samtang gisulti nimo kini. Dapita ang mga bata nga moapil nimo.

Ulo, abaga, tuhod, ug tiil, tuhod ug tiil, tuhod ug tiil,

Ulo, abaga, tuhod, ug tiil, mata, dalunggan, ba-ba, ug ilong.

Balika sa ingon ka sagad kon gusto sa mga bata. Pahinumdumi sila nga ang Langitnong Amahan mihatag kanato og mga lawas nga pareho nga tan-awon sa Iya.

Ang Istorya nga ginamit ang Finger-Puppet

Isaysay pag-usab ang istorya sa Unang Panan-awon, ginamit ang mga finger puppet nga imong gihimo (tan-awa sa Joseph Smith—Kasaysayan 1:11–17; tan-awa usab ang ehemplo sa pahina 88). Ipasabut og maayo ang kamatuoran nga si Joseph Smith nakakita sa Langitnong Amahan ug ni Jesukristo nga adunay lawas nga sama sa atoa.

finger puppet diagram

Pagpaluta

Ipaluta ang mga kamot sa kada bata sa usa ka pirasong papel. Pakolori nila ang mga pinaluta. Isulat diha sa papel ang ngalan ug edad sa bata ug ang petsa.

Larawan

Ipasundayag ang larawan sa pahina 43 ug hatagi ang kada bata og kopya. Itudlo ang nawong sa batang lalaki ug pahinumdumi ang mga bata nga kita adunay mga nawong ug ingon man usab ang Langitnong Amahan. Dapita ang mga bata sa pagtudlo sa nawong sa ilang kopya sa larawan. Balika alang sa ubang mga bahin sa lawas. Pakolori sa mga bata ang ilang mga larawan, kon gusto.

Mga Tip sa Pagtudlo

Mga finger puppet: Kon mohimo ikaw og mga finger puppet o ubang mga tabang sa pagtudlo alang sa leksyon sa nursery, hipusa kini. Mahimo unya nga magamit nimo pag-usab sa umaabut nga mga leksyon.

Ribyu: Balika ang mga kalihokan sa nangagi nga mga leksyon kanunay sumala sa imong gusto. Ang pagbalik-balik makalingaw sa mga bata, ug makatabang kini kanila nga makat-on.