21

Nakita ni Joseph Smith ang Langitnong Amahan ug si Jesukristo

Pasiuna alang sa Magtutudlo

Aron sa pag-andam sa imong kaugalingon nga espiritwal nga motudlo niini nga leksyon, palihug basaha ug palandonga ang mosunod:

Si Joseph Smith mao ang unang propeta sa atong panahon. Iyang nakita ang Dios Amahan ug ang Iyang Anak, nga si Jesukristo. Pinaagi ni Propeta Joseph, ang Ginoo mipahiuli sa tinuod nga Simbahan ug sa kahingpitan sa ebanghelyo. (Tan-awa sa Joseph Smith—Kasaysayan 1:9–19.)

Pagpangandam

• Basaha ang Joseph Smith—Kasaysayan 1:9–19 ug pag-andam sa pag-istorya sa lakbit sa Unang Panan-awon.

• Pagdala og kopya sa Biblia.

• Pagdala og kopya sa Perlas nga Labing Bililhon. Markahi ang Joseph Smith—Kasaysayan 1:17 aron sayon ra nimo kini mapakli.

Mga Kalihokan sa Pagkat-on

Sugdi pinaagi sa kalihokan sa panagpundok. Alang sa mga ideya, tan-awa sa pahina 3.

Pag-ampo

Pagdapit og usa ka bata nga mohatag sa pangbukas nga pag-ampo.

Istorya sa Kasulatan

Ipakita ang litrato sa pahina 90 samtang imong i-istorya sa lakbit ang Unang Panan-awon (tan-awa sa Joseph Smith—Kasaysayan 1:9–19). Sa ubos ang usa ka ehemplo:

Mao kini ang litrato ni Joseph Smith (itudlo si Joseph; dapita ang mga bata sa pagsulti “Joseph Smith”). Gusto siya nga masayud kon kon unsa nga simbahan ang tinuod. Mibasa siya sa Biblia (ablihi ang Biblia) nga kita makaampo aron makahibalo sa kamatuoran (dapita ang mga bata sa pagpakaaron-ingnon nga nagbasa). Miadto si Joseph sa kakahoyan (itudlo ang kakahoyan) aron mangutana sa Langitnong Amahan pinaagi sa pag-ampo. Samtang nag-ampo siya, iyang nakita ang Langitnong Amahan ug si Jesukristo.

Joseph in Sacred Grove

Ablihi ang Perlas nga Labing Bililhon ngadto sa Joseph Smith—Kasaysayan 1:17 ug sultihi ang mga bata nga ikaw mobasa unsay gisulti sa Langitnong Amahan ngadto ni Joseph Smith. Ipasabut nga Siya mitudlo ngadto ni Jesukristo ug miingon: “Kini ang Akong Hinigugma nga Anak. Paminaw Kaniya!” Ipasabut nga si Jesus misulti ni Joseph nga Siya mopabalik pag-usab sa tinuod nga Simbahan ni Jesukristo.

Exercise

Isaysay ang istorya pag-usab. Niining higayona, patindoga ang mga bata nga gipalugway ang mga bukton nga magpakaaron-ingnon nga mga kahoy sa Sagrado nga mga Kakahoyan. Hangyoa ang mga bata sa pagtabyogtabyog ingon og gihuyop sa hangin samtang ikaw maghisgot sa pagampo ni Joseph. Dayon hangyoa sila sa pagbarug nga dili maglihok ug maghilom kon sultihan na nimo sila nga ang Langitnong Amahan ug si Jesus nagpakita ngadto ni Joseph.

Kanta

Kantaha o isulti ang mosunod nga mga pulong sa “On a Golden Springtime” [Matahum nga Panahon sa Tingpamulak] Children’s Songbook, 88 [Songbook sa mga Bata] buhata ang mga aksyon sa ubos. Dapita ang mga bata sa pag-apil kanimo.

Panahon sa tingpamulak, sa kakahoyan, (ipataas ang mga bukton sama sa mga kahoy)

Kang Joseph nagpakita ang Anak ug Amahan. (luhod ug ikyugpos ang mga bukton)

Panapos

Sa lakbit ipaambit ang imong pagpamatuod nga si Joseph Smith nakakita sa Langitnong Amahan ug ni Jesukristo.

Pag-ampo

Pagdapit og usa ka bata nga mohatag sa panapos nga pag-ampo.

Mga Tip sa Pagtudlo

Mga Istorya: Ang gagmay nga mga bata mubo ra og atensyon. Pagplano og mga paagi sa paglakip kanila sa istorya. Pananglitan, mahimo nimo silang paguniton sa mga litrato o pabalikon sa pagsulti og mga pulong. Hunong kanunay aron sa pagpasabut sa mga detalye diha sa mga kasulatan, ug ipakita kini og dugay-dugay aron makita sa matag bata sa dili pa ikaw mopadayon sa istorya. (Tan-awa sa Pagtudlo, Walay Labaw ka Mahinungdanon nga Tawag, 181.)

Mga kanta: “Ang makapadani nga ritmo sa musika makatabang sa mga bata nga mahinumdom unsay ilang gikanta ug sa mga mensahe sa mga pulong” (Pagtudlo, Walay Labaw ka Mahinungdanon nga Tawag, 173). Ang musika mao usab ang epektibo nga paagi sa pagdapit sa Espiritu diha sa klase.

Pagpamatuod: Ipadayag ang imong pagpamatuod sa simple, mubo nga paagi, pananglitan: “Ako nasayud nga nakita ni Joseph Smith ang Langitnong Amahan ug si Jesukristo.”

Opsyonal nga mga Kalihokan

Pagpangandam

• Alang sa kalihokan ginamit ang finger-puppet: Kopyaha ug guntinga ang mga finger puppet diha sa pahina 91 o gamita ang mga puppet nga imong gihimo alang sa opsyonal nga kalihokan sa leksyon 9. Kolori ang mga puppet kon gusto.

  coloring page, First Vision

  Nakita ni Joseph Smith ang Langitnong Amahan ug si Jesukristo.

  Kopyaha kini nga pahina ug guntinga ang finger puppet subay sa baga, tarung nga mga linya. Pil-a subay sa tuldok-tuldok nga mga linya. Dayon i-tape ang mga kilid, nga dili iapil ang ubos nga bahin aron ang mga bata makapasulod sa ilang mga tudlo sa mga puppet.

• Alang sa kalihokan sa pagkolor: Kopyaha ang mga larawan sa pahina 91 nga koloran sa matag bata.

Mga Balak o Kanta-Kanta nga Kalihokan

I-recite ang mosunod nga mga balak o kanta-kanta nga kalihokan ug dapita ang mga bata sa pag-apil kanimo:

Nagluhod si Joseph diha sa kakahoyan, (ipataas ang mga bukton sama sa mga kahoy)

Ug nangamuyo og espesyal nga pag-ampo. (ikyugpos ang mga bukton)

Iyang nakita ang Amahan ug ang Anak (hangad, itabon ang mga kamot sa mga mata)

Ug naminaw Kanila didto. (ibutang ang kamot nga pinasawod sa dalunggan)

Kalihokan ginamit ang Finger-Puppet

Isaysay sa lakbit ang istorya sa Unang Panan-awon, niining higayona ginamit ang finger-puppet nga imong giandam. Pagunite sa mga bata ang mga puppet kon gusto sila.

finger puppet diagram

Pagkolor

Pakolori sa mga bata ang kopya sa larawan sa pahina 91. Samtang sila magkolor, ribyuha ang istorya sa Unang Panan-awon. Itudlo ang mga detalye diha sa mga litrato, ug ipasabut ngadto sa mga bata unsay ilang gikoloran. Basaha ang mga pulong nga anaa sa larawan ngadto kanila.

Mga Tip sa Pagtudlo

Mga Finger puppet: Kon ikaw mopili sa pagbuhat niini nga kalihokan, tingali gusto kang maghimo og igo-igo nga mga finger puppet aron ang matag bata makadula niini.

Dagko nga mga bata: Hunahunaa ang pagdapit sa dagko nga mga bata sa pagsaysay pag-usab sa istorya sa Unang Panan-awon ngadto sa gagmay nga mga bata. Ipakita kanila unsaon sa paggamit sa finger puppet o sa litrato sa pahina 42 sa pagsaysay sa istorya. Ang pagtabang sa mga bata sa pagtudlo sa usag usa usa ka maayong paagi sa pagpalig-on unsay imong gitudlo kanila.

First Vision