14

Ako Mosunod

Pasiuna alang sa Magtutudlo

Aron sa pag-andam sa imong kaugalingon nga espiritwal nga motudlo niini nga leksyon, palihug basaha ug palandonga ang mosunod:

Ang Langitnong Amahan mihatag sa mga ginikanan nga adunay unang responsibilidad sa pagtudlo sa ilang mga anak sa mga kasugoan, magsangkap sa ilang pisikal ug espiritwal nga mga panginahanglan, ug manalipod kanila gikan sa kadaot. Miawhag Siya kanato sa pagtahud ug sa pagsunod sa atong mga ginikanan, ug Siya mopanalangin kanato sa kasiguroan ug kalipay kon kita mobuhat sa ingon. (Tan-awa sa Exodo 20:12; Mga Taga-Efeso 6:1–3; Mga Taga-Colosa 3:20; “Ang Banay: Usa ka Pamahayag ngadto sa Kalibutan,” Ensign,Nob. 1995, 102.)

Pagpangandam

• Pagdala og kopya sa Biblia. Markahi ang Mga Taga-Efeso 6:1 aron sayon ra nimo kini nga mapakli.

• Markahi ang pahina 106 niini nga manwal aron sayon ra nimo kini mapakli.

Mga Kalihokan sa Pagkat-on

Sugdi pinaagi sa kalihokan sa pagpundok. Alang sa mga ideya, tan-awa sa pahina 3.

Pag-ampo

Pagdapit og usa ka bata nga mohatag sa pangbukas nga pag-ampo.

Mga aksyon

Hangyoa ang mga bata sa paghimo og lima o unom ka mga aksyon, sama sa pagbarug, pagpataas sa ilang mga kamot, pagtalikod, pagpakpak sa ilang mga kamot, ug paglingkod. Dayga sila sa pagsunod kanimo.

Litrato

Paguniti sa usa ka bata ang litrato nga anaa sa pahina 62. Itudlo ang amahan, ug inahan diha sa litrato. Ipasabut nga ang amahan ug inahan mihangyo sa mga anak nga motabang sa tanaman, ug ang mga anak miingon, “Ako mosunod.” Itudlo ang mga bata sa litrato ug ipasabut nga sila nagtabang sa ilang mga ginikanan.

family in vegetable garden

Kasulatan

Sultihi ang mga bata nga makat-unan nato gikan sa mga kasulatan nga ang Langitnong Amahan ug si Jesukristo gusto nga kita mosunod sa atong mga ginikanan. Ablihi ang Biblia sa Mga Taga- Efeso 6:1 ug basaha ang, “Kamong mga anak kinahanglang managsugot kamo sa inyong mga ginikanan diha sa Ginoo: kay buhat kini sa matarung.” Dapita ang mga bata sa pagsulti, “Ako mosunod.” (Pahinumdom: Tingali ang ubang mga bata gipadako sa mga apohan o sa ubang mga paryente. Pagmabination sa mao nga mga kahimtang sa panahon sa leksyon.)

Kanta

Dapita ang mga bata sa pagbarug. Kantaha o isulti ang mga pulong sa “Quickly I’ll Obey” [Dali Ko nga Motuman] Children’s Songbook, 197 [Songbook sa mga Bata] ug buhata ang aksyon sa ubos. Dapita ang mga bata sa pag-apil kanimo.

Kon tawgon kong mama, (itabon ang mga kamot sa ba-ba)

Daling motuman. (dagan og hilom sa gitindogan)

Buhaton ko ang maayo (iyangoyango ang ulo)

Sa adlawng’ tanan.

Kon tawgon kong papa, (itabon ang mga kamot sa ba-ba)

Daling motuman. (dagan og hilom sa gitindugan)

Buhaton ko ang maayo (iyangoyango ang ulo)

Sa adlawng tanan.

Langitnong Amahan, (gaksa ang kaugalingon)

Gimahal ako (padayon sa paggakos sa kaugalingon samtang ikaw magtuyoktuyok)

Buhaton ko ang maayo (iyangoyango ang ulo)

Sa adlawng tanan.

Litrato

Ipakita ang litrato ni Jesus sa pahina 106. Sultihi ang mga bata nga si Jesus misunod sa Langitnong Amahan, ug Siya gusto nga kita mosunod usab.

Jesus Christ

Panapos

Ipakigbahin ang imong pagpamatuod nga kita magmalipayon kon kita mosunod.

Pag-ampo

Pagdapit og usa ka bata nga mohatag sa panapos nga pag-ampo.

Mga Tip sa Pagtudlo

Gugma: Paningkamuti ang paghigugma sa mga bata sa nursery. “Kon atong higugmaon kadtong atong gitudloan, kita mag-ampo alang sa matag usa kanila…. Atong ipahaum ang atong pagtudlo aron motubag sa ilang mga panginahanglan, bisan kon kini nagkinahanglan og dugang nga panahon ug paningkamot. Kita makamatikod nga sila wala motunga ug pahalipayan kon sila anaa. Motanyag kita og panabang kon gikinahanglan” (Pagtudlo, Walay Labaw ka Mahinungdanon nga Tawag, 32).

Pag-ampo: Kon ang bata nagkinahanglan og tabang sa pagampo, hunghungi siya og mubo, simple nga pulong nga litukon. Ang mas dagko nga mga bata mahimong makaampo ginamit ang ilang kaugalingong mga pulong.

Opsyonal nga mga Kalihokan

Pagpangandam

• Kalihokan nga adunay butang nga gamiton: Pagdala og kahon, basket, o laing sudlanan nga adunay pipila ka mga butang nga makahatag og panalipod, sama sa payong, sapatos, kalo, kupo, o mga gwantis. Paningkamuti nga ang matag bata adunay usa ka butang nga gunitan.

• Alang sa puppet nga kalihokan: Kopyaha ug guntinga ang larawan sa pahina 63 nga koloran sa matag bata. Ipapilit o i-tape kini ngadto sa mga tukog o sa sako nga mga papel aron mahimong mga puppet.

  coloring page, boy and girl puppets

  puppet diagram

Role Play

Isulti ug buhata ang mosunod uban sa mga bata:

Si Mommy miingon, “Pagsinina, palihug.” Magsinina kita (pagpakaaron- ingnon nga magsinina).

Miingon si Daddy, “Hilam-usi ang imong nawong, palihug.” Atong hilam-usan ang atong mga nawong (pagpakaaron-ingnon nga naghilam- os sa nawong).

Balika uban sa laing mga aksyon, sama sa “kan-a ang imong pamahaw,” “katulog na,” ug uban pa. Dayga ang mga bata sa pagsunod.

Kalihokan ginamit ang Butang

Paghangyo og usa ka bata nga mopili og mga butang gikan sa kahon ug sulayi kini. Pakigsulti ngadto sa mga bata kon unsang matanga sa panalipod ang ikahatag nianang butanga (sama pananglit, ang sapatos dili makapahugaw sa inyong tiil, ang mga payong makatabang nga dili kita mabasa sa ulan o mainitan sa adlaw, ug uban pa). Ipasabut nga kining mga butanga makapanalipod kanato; kita usab mapanalipdan ug magmalipayon kon kita mosunod sa atong mga ginikanan.

Kalihokan ginamit ang Puppet

Pakolori sa mga bata ang mga puppet nga imong giandam. Basaha ang mosunod nga mga kahimtang (o paghimo og imoha). Human sa matag usa, ipagamit sa mga bata ang ilang mga puppet sa pagtubag, “Ako mosunod.”

Si Mama moingon, “Pagbinuotan ngadto sa inyong igsoong babaye, palihug.” Unsa ang inyong isulti?

Si Papa moingon, “Pangatulog na, palihug.” Unsa ang inyong isulti?

Si Lola moingon, “Manihapon na, palihug.” Unsa ang inyong isulti?

Ang titser moingon, “Mag-andam kita alang sa pag-ampo, palihug.” Unsa ang inyong isulti?

Si Jesus miingon, “Maghigugmaay sa usag usa.” Unsa ang inyong isulti?

Kini nga kalihokan angay alang sa mas dagko nga mga bata.

Mga Tip sa Pagtudlo

Ang Pagdayeg importante sa mga bata. Mahigugmaon sila ug gusto nga higugmaon ug dawaton. Lig-una ang ilang pagsalig ug ipakita ang imong gugma alang kanila pinaagi sa kinasingkasing nga pagdayeg sa ilang mga paningkamot bisan kanus-a kon mahimo.

Ribyu: Inig gawas sa mga bata sa klase sa nursery, tabangi sila sa pagpasabut sa ilang mga ginikanan unsay ilang nakat-unan.