“Ako Konga Iiki 4: Founga ke Toe Fokotuʻutuʻu ʻa e Ngaahi Tefito Faingataʻa pe Pelepelengesí mei ha Fakakaukau ʻoku Taʻengatá,” Ko Hono Tali ʻEku Ngaahi Fehuʻi ʻi he Ongoongoleleí - Naunau ʻa e Faiakó (2022)
“Founga ke Toe Fokotuʻutuʻu ʻa e Ngaahi Tefito Faingataʻa pe Pelepelengesí mei ha Fakakaukau ʻOku Taʻengatá,” Ko Hono Tali ʻEku Ngaahi Fehuʻi ʻi he Ongoongoleleí - Naunau ʻa e Faiakó
Ako Konga Iiki 4
Founga ke Toe Fokotuʻutuʻu ʻa e Ngaahi Tefito Faingataʻa pe Pelepelengesí mei ha Fakakaukau ʻoku Taʻengatá
Fakamatalaʻi
Fakaʻaliʻali pea lau ʻa e fakamatala ko ʻení:
Ke vakaiʻi ʻa e ngaahi fakakaukaú, fehuʻí mo e ngaahi palopalema fakasōsialé ʻaki ha fakakaukau ʻoku taʻengatá, tau fakakaukauʻi kinautolu ʻi hono ʻuhinga ʻi he palani ʻo e fakamoʻuí mo e ngaahi akonaki ʻa e Fakamoʻuí. ʻOku tau fekumi ki he tokoni ʻa e Laumālie Māʻoniʻoní kae lava ke tau vakai ki ha ngaahi meʻa ʻo hangē ko e ʻafio ki ai ʻa e ʻEikí. ʻOku fakaʻatā ai heni ke tau toe fokotuʻutuʻu ʻa e fehuʻí (ke sio ki he fehuʻí mei ha fakakaukau kehe) pea vakai ki he ngaahi fakakaukaú ʻo makatuʻunga ʻi he ngaahi tuʻunga moʻui ʻa e ʻEikí ʻo e moʻoní kae ʻikai ko hono tali ʻa e ngaahi makatuʻunga pe fakamahamahalo ʻa e māmaní [vakai, 1 Kolinitō 2:5, 9–11]. (Fakamatala ki he ʻElito ʻo e Fakataukei Fakatokāteliné [2022], 3)
ʻOange ki he kau akó ʻa e laʻipepa tufa ko ʻení:
Ngaahi Fehuʻi ke Tokoni ke Toe Fokotuʻutuʻu ha Tefito Faingataʻa pe Pelepelengesí mei ha Fakakaukau ʻoku Taʻengatá
Ko Hono Tali ʻEku Ngaahi Fehuʻi ʻi he Ongoongoleleí—Ako Konga Iiki 4: Founga ke Toe Fokotuʻutuʻu ʻa e Ngaahi Tefito Faingataʻa pe Pelepelengesí mei ha Fakakaukau ʻoku Taʻengatá
-
Ko e hā ha ngaahi fetaʻemahinoʻaki pe ngaahi fakakaukau hala ʻe ala maʻu ʻe ha taha fekauʻaki mo e tefito ko ʻení?
-
Ko e hā ʻoku tau ʻilo fekauʻaki mo e Tamai Hēvaní, ʻEne palaní, mo e ngaahi akonaki ʻa e Fakamoʻuí ʻi heʻenau fekauʻaki mo e tefito ko ʻení? ʻE lava fēfē ke tokoniʻi kitautolu ʻe he ʻilo ko ʻení ke toe fokotuʻutuʻu ʻetau fakakaukaú ʻaki ha fakakaukau ʻoku taʻengatá?
© 2022 ʻe he Intellectual Reserve, Inc. All rights reserved.
Ngaahi Fehuʻi ke Tokoni ke Toe Fokotuʻutuʻu ha Tefito Faingataʻa pe Pelepelengesí mei ha Fakakaukau ʻoku Taʻengatá
Fakatātaaʻi
Tokoni ke ʻilo ʻe he kau akó e founga ʻe lava ke nau kamata toe fokotuʻutuʻu ai e ngaahi fakakaukau fakatokāteliné, ngaahi fehuʻí, mo e ngaahi palopalema fakasōsialé mei ha fakakaukau ʻoku taʻengatá.
Fakaʻaongaʻi
Fakaʻaliʻali e ngaahi fehuʻi ko ʻení: Ko e hā ʻoku fakafepakiʻi ai ʻe he Siasí ʻa e fili ke fakatōtama koeʻuhí ko ha faingamālie fakataautaha pe fakasōsialé? ʻIkai ko ha meʻa ʻeni ia ʻoku fekauʻaki mo e fili fakatāutahá?
Fakaafeʻi e kau akó ke nau toe vakaiʻi e ngaahi fehuʻi ʻi he konga “Fakamatalaʻí.” Kole ange leva ke nau ngāue mo ha hoa pea akoako toe fokotuʻutuʻu e ngaahi fehuʻi fekauʻaki mo e fakatōtamá mei ha fakakaukau ʻoku taʻengatá.
Poupouʻi e kau akó ke nau fevahevaheʻaki haʻanau fakamatala tokoni ki heʻenau ngaahi talí. Kapau ʻoku toe lahi ʻa e taimí, fili ha fehuʻi ʻe taha ke akoako toe fokotuʻutuʻu.