Ako Konga Iiki 2

Founga ke Hoko ko ha Tokotaha Ako Moʻui Fakafalala pē Kiate Kitá

Fakamatalaʻi

Fakaʻaliʻali ʻa e lea ko ʻeni ʻa Tēvita A. Petinā ʻo e Kōlomu ʻo e Kau ʻAposetolo ʻe Toko Hongofulu Mā Uá:

ʻEletā Tēvita A. Petinā

ʻI heʻetau hoko ko e kau akó, kuo pau ke tau ngāue pea hoko ko ha kau fakahoko ʻo e folofolá kae ʻikai ko ha kau fanongo ʻataʻatā pē ʻoku toki fekauʻi. (David A. Bednar, “Seek Learning by Faith,” Ensign, Sept. 2007, 64)

Fakatātaaʻi

Fili ha taha ʻo e ngaahi potufolofola ko ʻení ke lau. Hili iá pea aleaʻi ʻa e founga ʻoku fakatātaaʻi ai ʻe he potufolofolá ʻa e tefitoʻi moʻoni ʻo e hoko ko ha tokotaha ako moʻui fakafalala pē kiate kitá.

• ʻEta 2:22–25; 3:1, 4–6 (Ko e kole ʻe he tokoua ʻo Sēletí ki he ʻEikí ha founga ke fakamaama ai e ngaahi vaká.)

• Tokāteline mo e Ngaahi Fuakava 9:7–9 (ʻOku ako ʻe ʻŌliva Kautele ʻa e ʻuhinga naʻe ʻikai ke ne lava ai ʻo liliu e Tohi ʻa Molomoná.)

Fakaʻaongaʻi

Ke tokoni ke fakaʻaongaʻi ʻe he kau akó ʻa e ʻuhinga ʻo e hoko ko ha tokotaha ako moʻui fakafalala pē kiate kitá, tautautefito ki he taimi ʻoku fehangahangai ai mo ha palopalema faingataʻá, vahevahe ʻa e tūkunga ko ʻení:

Naʻe ako ʻe Sela ʻi he mītia fakasōsialé ha meʻa taʻefakafiemālie fekauʻaki mo e hisitōlia ʻo e Siasí. ʻOkú ne fehuʻi ia ki hano ngaahi kaungāmeʻa ʻe niʻihi. Hili ʻene fanongo ki heʻenau ngaahi talí, naʻe toe lahi ange ʻene puputuʻú.

Tuku ke ngāue fakataha e kau akó mo ha hoa pe ʻi ha fanga kiʻi kulupu iiki pea aleaʻi ʻa e meʻa ʻe lava ke fai ʻe Sela ke ne hoko ange ai ko ha tokotaha ako moʻui fakafalala pē kiate kitá.

Fakaʻosi ʻaki haʻo kole ki ha toko taha pe toko ua ʻo e kau akó ke vahevahe ʻa e meʻa kuo nau ako mei he ʻekitivitī fakaʻaongaʻi ko ʻení.