“ Wanem Nao Ol Trutok we 1 Nifae mo 2 Nifae i Tijim Yumi abaot Jisas Kraes?,” Liahona, Maj 2024.
Kam Folem Mi
?Wanem Nao Ol Trutok we 1 Nifae mo 2 Nifae i Tijim Yumi abaot Jisas Kraes?
Kolosap long en blong raeting blong hem, Nifae i talem, “sapos bae yufala i biliv long Kraes, bae yufala i biliv long ol toktok ia, from oli ol toktok blong Kraes” (2 Nifae 33:10). Plante trutok abaot fasin mo laef blong Sevya mo Atonmen yumi faenem insaed long wanem yumi stadi long Buk blong Momon long yia ia.
Kam long Mi, i kam long Eva Timothy
Ol Fasin blong Kraes
-
Hem i fulap long fasin blong wet long taem, fasin blong stap kaen mo fasin blong go tru long hadtaem wetem longfala tingting (luk long 1 Nifae 19:9).
-
Bae Hem i oltaem tingbaot yumi (luk long 1 Nifae 21:14–16).
-
Hem i invaetem evriwan blong kam long Hem (luk long 2 Nifae 26:24, 33).
Laet mo Trutok, i kam long Simon Dewey
Ministri blong Kraes
-
Hem i tijim gospel blong Hem mo hilim olgeta sik (luk long 1 Nifae 11:24, 27–31).
-
Hem i soem eksampol blong fasin blong stap obei taem Hem i kasem baptaes (luk long 1 Nifae 10:9; 2 Nifae 31:7–12).
-
Oli bin hangem Hem long kros, putum Hem long tumb mo Hem i visitim ol Man blong Nifae afta we Hem i Laef bakegen long Ded (luk long 1 Nifae 19:10–11; 2 Nifae 26:1).
Kraes long Kros, oli no talemaot man we i mekem droing
Atonmen blong Kraes
-
Hem i pemaot yumi tru long sakrifaes blong Hem (luk long 2 Nifae 2:6–7).
-
Hem i mekem wan “atonmen we i no save finis” we i winim ded long saed blong bodi mo spirit (2 Nifae 9:5–22).
-
Hem i save kavremap yumi wetem paoa taem yumi gat fet long Hem mo jusum blong sakem sin (luk long 2 Nifae 31:13).