“Wanem Mi Faenemaot Taem Mi Nomo Konek long Sosol Media,” Liahona, Maj 2024
Wanem Mi Faenemaot Taem Mi Nomo Konek long Sosol Media
Taem mi katemdaon taem blong mi blong yusum sosol media i bin letem mi blong save stap moa oltaem wetem ol pikinini blong mi mo mekem rilisensip blong mi mo Seyya i kam gud moa.
Pikja i kam long David Green
Long ol yia we i pas, mi save se God i stap talem long mi tru long inspresen blong kamaot long sosol media. Mi save se blong stopem sosol media bae i gud long mi, be mi save tu se mi save glad long ol grup we mi faenem insaed ia. Mi no save olsem wanem blong mi kam gud bakegen wetem tufala samting ia; mi save nomo se i mas gat wan jenis.
Mi ridim wan buk we i mekem mi tingting hevi long Kwestin ia, “?Hamas taem mi save spendem long sosol media we i stret blong mi save helpem komuniti, we bae i no save gat ol negativ tingting?” Long mi, blong faenem ansa long kwestin ia i hem i abaot 20 minit … long wan manis. Mi setemap wan gol blong mekem hemia i hapen, mo wetem help blong Lod, hem i bin isi bitim wanem we mi stap tingting long hem. Samting we mi no bin save i we hamas jenis ia bae i mekem i kam strong rilisensip blong mi wetem Sevya blong mi. Mi kam blong filim moa gud lav ia we Sevya i gat long mi; mi kam blong andastanem moa klia plan we Hem i gat blong mi; mo mi kam blong luk i klia moa ol nid blong ol pipol raon long mi.
No Letem Ol Selfi Oli Soem Wanem Valiu Mi Gat
Oltaem mi save se mi pikinini blong God mo we Hem i lavem mi. Mi filim lav blong Sevya blong mi long taem blong ol hadtaem long laef blong mi. Be evritaem mi letem sosol media i soem olsem wanem mi luk mo tingting long miwan. Long taem ia we mi tingse ol supa sta pikja ia bae i no save afektem mi long sosol media, i bin hapen se ol pikja ia i bin jenisim mi. Taem mi mekem smol taem nomo blong yusum sosol media i mekem mi filim wan pis mo kwaet long maen blong mi we mi nidim blong harem Sevya i talem long mi olsem wanem Hem i filim abaot mi. Mi no bin luksave hamas mi misim blong harem voes blong Hem kasem taem we mi krietem moa spes blong Hem i stap long ples ia.
Oltaem mi biliv long plan ia blong fasin blong sevem man. Mi save se Jisas Kraes i stampa long plan ia blong God. Be mi save tu se Papa long Heven i gat wan plan blong wanwan long yumi. Larry M. Gibson, foma Fas Kaonsela long Yang Man Jenerol Presiden, i tijim, “mi save se Papa long Heven i wari abaot wanwan long yumi mo i gat wan plan we Hemwan i gat long yumi blong kasem laef ia we i no save finis.”1
Mi bin spendem fulap taem blong skrol blong faenem wanem stret samting we mi mas mekem long laef ia. Taem mi stap long sosol media i givim wan jea long mi long fored long evri samting we man i krietem, mo ol naesfala samting we ol pipol oli stap mekem. Mi lanem fulap samting aot long ol pipol ia, be mi spendem fulap taem blong lukaotem bitim blong mekem samting. Taem we mi kamaot long sosol media, mi filim se Papa long Heven i lidim mi blong save wanem wanem stret Hem i wantem mi blong mekem. Plante long ol samting ia oli ol sapraes mo i difren long wanem mi tingse bae i olsem, be oli mekem laef blong mi i moa rij mo fulap long plante samting.
Sevya i kam blong mekem se yumi save gat laef mo blong laef blong yumi i save fulap gud long evri samting (luk long Jon 10:10). Mi glad long smosmol mo kaen voes blong Tapu Spirit we i helpem yumi blong fulap gud moa long evri samting long laef ia.
Laef we i gohed afta long Skrin ia
Sevya i luk olgeta we oli ronwe, ol narawan i stap lukluk. Mi laekem ridim ol stori blong Hem taem i stap givhan long ol pipol mo tijim olgeta abaot valiu blong olgeta. Spenem fulap taem long sosol media i mekem i had blong mi luksave ol pipol long laef blong mi, we i tekem tu famli blong mi. Mi luksave se sapos ol pikinini blong mi oli no filim save se mi save gud olgeta, afta bae olgeta go blong lukaotem ol samting aotsaed we bae i talem valiu blong olgeta.
Mi bin sapraes tumas long lav ia we mi kasem long ol pikinini blong mi taem mi kam moa kolosap wetem olgeta. Mi bin laekem wok blong mi olsem wan mama long las yia ia bitim ol narafala yia we i pas finis. Mi kam blong save gud ol neiba mo stap moa aktiv long komuniti blong mi. Ol janis blong givim seves i kam moa antap. Mi stap ting se sosol media i stap helpem mi blong save luksave samting, be long ril laef mi no stap laef gud inaf blong luksave nid blong olgeta we oli stap raon long mi.
Taem mi mekem smol taem nomo blong yusum sosol media i luk olsem wan smol mo simpol samting, be i helpem mi blong mekem fet blong mi i kam moa antap mo i mekem rilisensip blong mi wetem Sevya i kam moa gud. Mi save se Papa long Heven i lavem yumi evriwan, i gat plan blong yumi, mo olsem ol pikinini we oli wantem blong Hem i filim mo luksave yumi tu.
Man we i raet i stap laef long Niu Yok, YSA.