Бид Христийн эдгээгч хүчийг хэрхэн мэдэрч болох вэ?

(9-р сарын 28-аас 10-р сарын 11)

How can we experience the healing power of Christ

Есүс Христ нифайчуудад тохинуулснаар Өөрт нь ирсэн хүн бүрд Өөрийн агуу хайр хийгээд эдгээгч хүчийг харуулсан. Аврагчтай уулзсан нифайчуудын туршлагаас бид юу сурч болох вэ?

Нифайчуудад тулгарсан сорилт бэрхшээл

Есүсийг ирэхийн өмнөх хэдэн арван жил үймээн самуунтай байв. Нифайчууд дараах бэрхшээлтэй тулгарсан. Үүнд:

Иргэний үймээн (3 Нифай 7:1–4-ийг үзнэ үү).
Ёс бус хийгээд жигшүүрт үйл (3 Нифай 2:3; 7:7-г үзнэ үү).
Анги давхаргын ялгаварлал (3 Нифай 6:10–14-ийг үзнэ үү).
Шашны мөрдлөг хавчлага (3 Нифай 1:9-ийг үзнэ үү).
Дайн дажин (3 Нифай 2:17-г үзнэ үү).
Гурван өдөр харанхуйлахад тохиолдож өнгөрсөн байгалийн гамшгууд (3 Нифай 8-ыг үзнэ үү).

Нифайчуудын дундах Христийн тохинуулал

Аврагч нифайчууд дээр айлчлан ирэхдээ “ямар нэгэн байдалд зовж зүдэрсэн” (3 Нифай 17:7) хүн бүрийг ирж, эдгэр хэмээн хэлсэн. Түүний урилга зөвхөн дөнгөж тохиолдсон сорилтуудад хамаатай байсангүй. Энэ нь нифайчуудын амьдралынхаа туршид олсон нүдэнд харагдах мөн нүднээс далд байх шарханд ч бас хамаатай байв. Есүс Христ тэднийг “нэг бүрчлэн” эдгээсэн (3 Нифай 17:9) бөгөөд “нэг нэгээр нь” тохинуулсан (3 Нифай 17:21).