Jodikdik ro
Pija jān Randy Collier
Elukkuun em̧m̧an ippa bōk kuņaō ippān Ajri im Jodikdik ro kōnke imaron̄ in jeke kōttōbar ko aō make n̄an kōm̧m̧ani.
Juon iaan kōttōbar ko aō, Iaar kālet n̄an pukot etan baam̧le ko n̄an kōm̧m̧ani peptaij ko kōn ro remej n̄an er. Ebōk eļap jerbal n̄an jeļā kilen jerbale menmenbwij an baam̧le, ak iaar en̄jake eļap m̧ōņōņō aolep iien n̄e ij leloo āt kāāl n̄an bōke n̄an tampeļ.
Ke ikar iminiene kake, ikar etal wōt im kōm̧m̧ane kōnke elimo. Tokālik ekar kanooj lōn̄ āt ko n̄an aō make kōm̧m̧ani. Kōn menin elōn̄ iaan ro rilikū im n̄a kar etal n̄an tampeļ eo kōn āt ko iaar loi, im kōm jim̧or kar kōm̧m̧ane peptaij im kapene n̄an 172 armej.
Ro jinō im jema rej kadedeļo̧k jerbal in kain̄i ko an tampeļ kōn armej rein, eo me em̧m̧an kōnke ij en̄jake bwe aolepen baam̧le eo aō rej pād ilo juon wōt tiim! Kōttōbar eo am̧ ej n̄an jipan̄ ro jibum̧ im jim̧m̧am̧ jon̄an wōt eo kōm maron̄e.
Jerbale menmenbwij an baam̧le ekar jipan̄ n̄a jino epaakeļo̧k jim̧or baam̧le eo aō remour im ro jibū im jim̧m̧aō. Ij m̧ōņōņō bwe iaar kadedeļo̧k kōttōbar eo aō, im kiiō ij kōjatdikdik n̄an kōm̧m̧ane juon kōttōbar eo eļapļo̧k me imaron̄ kōm̧m̧an eļapļo̧k.
Eldon M., 13 iiō, Ohio, USA