Itok Ļoor Eō: Bok in Mormon
Ta meļeļein Leen Wōjke eo ilo Visōn eo an Liai?
Jānwōde 13–19 1 Nipai 8–10
Tree of Life, jān Kazuto Uota, © 2015 by Intellectual Reserve, Inc. Aolep jim̧we ko rej pād ie.
Ilo visōn eo an Liai, ta eo leen wōjke eo ej jutak kake, eo me “elukkuun ļap kōttōpare jān men ko otemjej,”? (1 Nipai 11:22).
“Leen wōjke eo ej juon kōkaļļe in kōjeram̧m̧an ko an Pinmuur eo an [an Jisōs Kraist]. M̧ōn̄ā jān leen wōjke eo ej bōk jikin kain̄i im bujen ko ijo me Pinmuur emaron̄ lukkun ļap tokjen ilo mour ko ad” (David A. Bednar, “Ettōņak eo an Liai, Jirok likatōttōt ilo Aen in Depdep eo,” Liaona, Okt. 2011, 34).
Kain̄i kein ekoba peptaij, kapen, kwojkwoj eo, ekkapit an Priesthood n̄an em̧m̧aan ro), kain̄i ko an tampeļ.
Kappukot Leen Wōjke eo
Aen in depdep eo, ak naan an Anij, ej tōl kōj n̄an Jisōs Kraist kōn jeje ko rekwojarjar im rikanaan ro raan kein rej kūr kōj n̄an bōk koņaad ilo kain̄i ko im bujen ko im jipan̄ kōj meļeļe katak, mijen, im pinmuur an Jisōs Kraist.
-
Ta naan ko jān jeje ko rekwojarjar ak jān rikanaan ro raan kein me em̧ōj an tōl eok n̄an Jisōs Kraist?
Dāpij wōt Leen Wōjke eo
Jet armej ilo visōn eo an Liai rekar kajejtokjen leen wōjke eo kōn wōt kajirere im ettōn̄ kake an ro jet. N̄an dāpij wōt leen wōjke eo ej n̄an dāpdep ilo m̧ool n̄an bujen ko ad im n̄an kakutkut ad etal n̄an jikin ko ijoko bujen ko rej kōm̧m̧an ie.
Jeere Leen Wōjke eo
Ālkin an kar Liai m̧ōn̄ā leen wōjke eo, ekar kōņaan bwe en jeere n̄an baam̧le eo an bwe ren bar en̄jake “eļap otem ļap lan̄lōn̄” me ekar en̄jake (1 Nipai 8:12).
-
Ewi wāween am̧ jeere iakwe eo am̧ n̄an Jisōs Kraist im jipan̄ ro jet bōk koņaaer ilo kain̄i ko?