Ilo Digital Wōt: Rūm̧m̧an Ded ro
Kāālet Indeeo
Iaar jeļā bwe kiiō ekar iien eo n̄an n̄a n̄an kāālet eļan̄n̄e ak jab ij aikuj in ekkejel wōt n̄an aorōk ko aō.
Ke iaar ron̄ bwe iaar wiini juon scholarship n̄an kōm̧m̧ane juon iien ekkatak kōn m̧anit (cultural exchange) ilo Argentina me iaar iien otemjej kar ettōņak kake, ijjab maron̄ kar pijaikļo̧k bwe enaaj kar juon ijjino eo me ekanooj in lukkuun in kōm̧m̧an oktak ilo mour eo aō.
Iaar itaakļo̧k ilo Rosario, Argentina, ijo iaar jokwe ie ippān juon baam̧le eo em raar uwaan Kabun̄ eo an Jisōs Kraist im Armej ro Rekwojarjar ilo Raan Ko Āliktata. Im kōn menin eaar jino in juon iiō ekaitoktok limo ilo jetōb, kōnono ippān mijenede im etal n̄an jemenere im institute. Iaar kōņaan jeļā aolep men, im ikar maron̄ en̄jake bwe ta eo iaar ekkatak kōn gospel eo eaar kōjeraam̧m̧an eō ilo elōn̄ wāween ko.
Ilo juon iien eo ekadu iaar maron̄ in bōk juon naan in kam̧ool epen kōn tarlep in m̧ool eo an katak ko kar katakin eō: tōmak, iakwe, kaarmejete, iakwe eo erreo, lōke, im pokake kien ko an Irooj, ko Ekar litok n̄an kōj n̄an kōjparok kōj jān metak.
Ejjab kōņaan bwe jen dipuk metak ko ilo an ejjeļo̧k un. E ekanooj in iakwe kōj, im E eknaooj kōņaan kam̧oole n̄an kōj. Bōtaab jet iien, kōn kāālet ko ad make, jej kōm̧m̧an bwe en jab pidodo, jej kōjeno̧lok kōj make jān E, innām ta eo ej waļo̧k ej pedped wōt iood. Innām jej aikuj bōk bun̄tōn eo m̧oktata m̧aanļo̧k n̄an bar lo aenōm̧m̧an eo ilo būruwōd. Menin ej juon men eo me ikōn en̄jake kōn n̄a make.
Ālkin allōn̄ ko in ekkatak, katak ko an mijenede, im kūlaaj ko, iaar en̄jake apan̄ eo ilo juon iaan jekjek ko rekōmettak—apan̄ jab in ej jelm̧ae eok kōn en̄jake ko an tōre ko ļo̧k, ekapoik eok n̄an kōm̧m̧ane jokāālet ko rebōd ilo tōre in, im ej kajjieon̄ in kakkure ilju jekļaj eo kwaar aolep iien ettōņake. Iaar ekkatak kōn kaen̄taanan jab in jet (im elōn̄ alen) ej itok jān juon jikin eo kwaar jab kōtmene kake.
Erom erreo im wānōk ilo ļōmņak ko im m̧akūtkūt ko eaar aolep iien āinwōt m̧ōttan wōt wōn eo kar n̄a, m̧ae iien kiiō epaak. Iaar jeļā bwe men ko me m̧ōttan jidik iaar tōn kōm̧m̧ani raar jab jim̧we, armej ro me iaar juon iien lōke er raar pojak in jejļo̧k jān iaļ eo, im bwe ekar m̧ōj kadede aō kar jino ejaake juon kōtaan ikōtaō im Jemedwōj Ilan̄. Iaar jeļā bwe kiiō eaar iien eo me iaar aikuj in kāālet eļan̄n̄e inaaj kar wōnm̧aanļo̧k wōt ilo menin ak ekkejel wōt n̄an aorōk eo iaar iien otemjej kautieji. Kōn menin iaar aikuj in pukōt kajoor jab eo itulowaō me eaar jiron̄ eō bwe ijjab aikuj kakkure ettōņak kein ilo jekjek eo epidodo. Ijjab aikuj kakkure kōjatdikdik eo aō kōn juon baam̧le indeeo im juon ļeo pālele eo em̧m̧an. Juon men ilo mour eo aō ekar bōd, im iaar jeļā ej aikuj in kar oktak.
En̄jake jab in, ippān juon naan in kam̧ool edik me ej kab tōn kar jino kar kajoorļo̧k ilo būruwō, im enjeļ ro rem̧ool ilo mour eo aō me raar iien otemjej pād n̄an jipan̄ eō, kar lo̧mo̧o̧ren eō jān jōbwābwe im kar kōm̧m̧an bwe in kanooj in kajoor bar juon alen jon̄an imaron̄ kar kāālet n̄an bar oktakļo̧k n̄an Irooj ilo iien eo. Im ijeļā bwe E ej iien otemjej kar pād, kōjeraam̧m̧an eō ilo kijejeto ko aō n̄an ron̄jake Ainikien n̄an pād erreo wōt kōn kōjeraam̧m̧an ko an indeeo.
N̄e ij ļōmņak kōn iien jab eo me iaar dibuki kiiō, ij ļōmņak kōn peran eo n̄an jab ebbweer, peran eo n̄an iien otemjej kar kwaļo̧k aorōk ko aō, im tōmak eo aō im ekab de pād ippa.
Jekdo̧o̧n ta iien ukweļo̧k eo eaar itok juon iien ekōmettak, kōn kile en̄jake ko rebōd im iien ko, im kōn ettā, iaar kanooj kam̧m̧oolol kake—im iien otemjej inaaj. Kam̧m̧oolol kōn m̧ool eo bwe, ilo iien eo ejetjet, imaron̄ en̄jake bwe Jemedwōj Ilan̄ eaar jeorļo̧k aō bōd, bwe Ej wōnm̧aanļo̧k wōt in iakwe eō, im bwe iien otemjej Enaaj.
M̧ōttan eo me ekanooj in ļap tata an kōmettak n̄an eō eaar ekkatak n̄an jeorļo̧k aō make bōd. Ij keememej ekōjkan aō kar en̄jake, jab erreo im ilo ejjeļo̧k aiboojoj, jim̧or ilo kanniōk ak ilo itulowa. Bōtaab aō Rilo̧mo̧o̧r eaar iien otemjej pād, letok n̄an eō kajoor eo im im̧weo eo. Eaar likūt armej ro rejetjet ilo iaļ eo aō me raar jipan̄ eō n̄an ekkatak em̧ool eļapļo̧k kōn Kabun̄ in, jān ke iaar ro̧o̧l jān Belgium. Raar iakwe eō kōn wōn n̄a im kar jipan̄ eō iakwe eō make bar juon alen im kile bwe en̄jake in eaar jab aikuj in juon kōmettak me ijjab aikuj in bōk wōt ilo mour eo aō. Imaron̄ kar lo bwe eaar wōr aō iien em̧m̧an n̄an kāālet, n̄an en̄jake ewi jon̄an kajoor in naan in kam̧ool eo aō kar jān kōjparok aorōk ko aō. Imaron̄ kar lo bwe kōnke iaar jerbale kōkajoorļo̧k naan in kam̧ool eo aō jān en̄jake in, imaron̄ in juon kōjeraam̧m̧an ilo mour ko an ekanooj lōn̄ armej ro, repaak im ettoļo̧k.
Jab mijak. Lale kwaar ebbwer, im iien otemjej kōjparok aorōk ko am̧. Iien otemjej likūt wōt ilo kōļmenļo̧kjeņ ewi aiboojoj in im juon kōjeraam̧m̧an n̄an kwaļo̧k kōn Rilo̧mo̧o̧r eo im en wōr iakwe eo erreo An āinwōt juobn pedped eo me n̄an kalōk juon jemjera im juon baam̧le ilju jekļaj. Eļan̄n̄e kwoj kāālet n̄an pokake im kāālet Jemedwōj Ilan̄ ilo aolep men ko, ejjab to ak tokālik, kōjeraam̧m̧an ko an indeeo renaaj itok. Jab inepata eļan̄n̄e kwojjab maron̄ lo er kiiō, bōtaab lōke bwe aolep raan, ļapļo̧k jidik, kom̧ naaj lo pein Irooj ilo mour ko ami. Jibūrin̄ enaaj ijjino ilo būruwōd im wūt ko an indeeo renaaj ijjino in ebbōl.
Iaar peptaij ilo M̧aaj 16, 2019 eo, ilo ward eo aō ilo Belguim, im ikanooj in m̧ōņōņō n̄an kar bōk bun̄tōn in im̧aan tata ilo iaļ eo aō n̄an indeeo. Aaet, inaaj jelm̧ae elōn̄ļo̧k apan̄ ko ilo iaļ eo ļo̧k—jenaaj aolep—bōtaab kōn naan in kam̧ool eo aō ilo būruwō, ij pojak n̄an jelm̧ae er, kōnke ijeļā Wōn eo n̄an kāālet.