Mga Apostoles sa tibuok Kalibutan
Si Elder Stevenson Mibisita sa Chile
Ang mga Apostoles mobiyahe sa tibuok kalibutan aron sa pagpangalagad sa katawhan ug sa pagtudlo kanila mahitungod ni Jesukristo.
Si Elder Gary E. Stevenson ug si Sister Lesa Stevenson mibiyahe uban ni Presidente Russell M. Nelson ug Sister Wendy Nelson ngadto sa Chile alang sa usa ka importante kaayo nga kalihokan. Usa ka bag-ong templo ang ipahinungod sa siyudad sa Concepción!
Kining matahum nga bag-ong templo mao ang ikaduha nga gitukod sa Chile ug ang ika-18 nga templo sa Habagatang Amerika.
Daghang mga linog mahitabo sa Chile. Ang Concepción Chile Temple adunay espesyal nga pundasyon aron kini dili madaot kon moigo ang usa ka linog.
Sila si Laura ug Alicia O. mitabang sa pagbutang sa katapusang bato diha sa gawas sa templo. Mao kini ang gitawag nga bato sa pamag-ang sa templo. Dayon ang templo andam na nga ipahinungod.
Ang mga bata miabut uban sa ilang mga ginikanan aron maminaw ni Presidente Nelson nga mohatag sa espesyal nga pag-ampo sa pagpahinungod sa templo.
Karon, ang takus nga mga sakop sa Ang Simbahan ni Jesukristo sa mga Santos sa Ulahing mga Adlaw makahimo sa pagsulod aron mabugkos ngadto sa ilang mga pamilya ug makaserbisyo pinaagi sa paghimo og mga bunyag sa templo!
Ania unsay gisulti ni Elder Stevenson mahitungod sa pagpahinungod: