Minahal nga mga Ginikanan,
Usa sa importante nga mga mensahe sa Bag-ong Tugon mao nga kita makakaplag og kalinaw ug kalipay diha ni Kristo, bisan unsa pay matang sa atong kinabuhi. Ang magasin karong bulana nagpakigbahin og susama nga pagpamatuod.
-
Sa pahina H4, usa ka batang lalaki gihupay sa dihang siya nagdamgo og dili maayo.
-
Sa pahina H8, usa ka batang babaye nga dunay Down syndrome gipahinumduman nga ang Langitnong Amahan nahigugma kaniya.
-
Sa pahina H15, usa ka poster nagtudlo nga ang tanang butang posible uban sa tabang ni Jesukristo.
-
Sa pahina H20–23, si Paul mipakita og ehempo sa pagtuo.
Sa inyong pagbasa niini nga magasin, pangitaa ang mga paagi nga si Jesus ug ang Langitnong Amahan mitabang sa mga tawo sa matag istorya. Mahimo ninyong badlisan ang mga pulong nga naghulagway sa mga hagit nga ilang giatubang. Dayon lingini ang mga pulong nga naghulagway unsa nga tabang ang ilang nadawat. Isip usa ka pamilya, hisguti mahitungod kon sa unsa nga paagi usahay ang mga pagsulay gikuha, ug sa ubang panahon kita nahimong mas lig-on sa pag-atubang sa atong mga pagsulay. Bisan hain, si Jesus ug ang Langitnong Amahan nahigugma nato ug anaa alang kanato!
Manghinaut kami nga kamo adunay malipayon nga bulan,
Ang Higala