Ang Unang Biyahe sa Pasko
Atong isugilon ang sugilanon mahitungod sa Pasko matag tuig, apan unsa ka kasagaran nga atong gilarawan ang biyahe nga gihimo ni Maria ug ni Jose? Ang ilang pagtuo ug mga sakripisyo mga makahuluganong bahin sa sugilanon.
Detalye gikan sa The Annunciation, ni Carl Heinrich Bloch
Si Maria gikan sa Nazaret, usa ka balangay nga dunay 400–500 ka mga tawo.1 Alang sa kalibutan, usa siya ka yanong babaye nga mag-uuma. Ug sa gihapon siya ug si Jose midawat sa ilang tawag nga mopadako sa Anak sa Dios.
2. Lucas 2:4–5
Ang biyahe padulong sa Betlehem mikabat og pinakaminos upat ngadto sa lima ka adlaw,2 ug ang mga kasulatan walay gihatag nga bisan gamayng impormasyon bahin sa asno nga kauban nila latas sa batoon nga kabungturan. Bisan “nagsabak og usa ka bata,” gihimo ni Maria ang pagbiyahe uban ni Jose nga mituman sa panagna nga: ang Mesiyas matawo sa Betlehem (tan-awa sa Miqueas 5:2).
3. Lucas 2:7–11
Sa Betlehem, si Jose ug si Maria walay kaugalingon nilang balay o kuna nga kabutangan sa Hari sa mga hari. Tingali gibati nila ang labihang pagpaubos samtang gisaksihan nila, ang lahi nga mapaubsanong pagkatawo, ang klarong mga timailhan nga kining bataa mao ang Anak sa Dios.
Flight, ni Rose Datoc Dall
Sa walay pagpasidaan, ang gamayng pamilya kinahanglang mobiya sa ilang siyudad ug nasud. Gani sa wala pa mag-dos anyos ang bata, ang Iyang kinabuhi gihulga (tan-awa sa Mateo 2:16). Apan ang ilang dedikasyon ug gugma alang sa ilang Manluluwas midasig kang Maria ug ni Jose sa paghimo sa taas nga biyahe ngadto sa Ehipto.
Human sa mga panahon nga didto sa dili pamilyar nga yuta, padayong gihimo ni Jose ug ni Maria ang kinatas-an nilang biyahe. Apan daw mas mubo ra ang mga milya, tungod kay niining higayuna, mamauli na sila sa ilang balay. Sa didto na sila, gibutang nila ang ilang pagtuo sa Dios ug gipadako Siya kinsa “pagatawgon nga Nazaretnon” (Mateo 2:23).
Sama ni Maria ug ni Jose, kita usab nagpanaw sa kaugalingon natong biyahe uban ni Jesukristo. Samtang taas ang atong padulngan ug lisud, ang matag lakang sa pagtuo magpaduol kanato ngadto sa kinabuhing dayon—usa ka gasa nga ihatag kanato sa mapinanggaong Manluluwas, kansang kaugalingon nga panaw naghimong posible sa kaluwasan.