Ania Dinhi Ang Simbahan
La Paz, Bolivia
Ang Kabungturan sa Illimani nga natabunan sa snow naghatag og madanihon nga palibut sa taas nga siyudad sa red-brick sa La Paz, nga sa kasagaran gikonsiderar nga sentro sa pang-administratiba sa Bolivia kay daghan kaayong mga opisina sa opisyal ang anaa didto.
Ang mga misyonaryo nga nagsangyaw sa Andes Mission nangabut sa Bolivia pagka-Nobyembre 1964 ug mipahigayon og usa ka miting nga may 19 ang nanambong. Nabunyagan nila ug nakumpirmahan ang unang kinabig usa ka bulan human niadto. Karon, ang mga miyembro sa Simbahan sa Bolivia milapas na sa 203,000 sa 255 ka mga kongregasyon ug 5 ka misyon. Ang kinadul-ang templo anaa sa Cochabamba, 145 ka milya (233 km) ang gilay-on, pito ka oras nga biyahe gikan sa La Paz.
Ang Simbahan sa Bolivia nailhan kaayo tungod sa mga humanitarian nga mga proyekto sa komunidad, lakip ang pagdonar og mga wheelchair ug neonatal nga medikal nga mga ekipo; pag-apil sa mga pagdonar og dugo; pagsuporta sa agrikultral, mga pagpang-garden sa panimalay, ug mga paningkamot sa pagpalambo og mga balangay; ug pag-organisar sa mga paningkamot alang sa mga kahupayan atol sa mga panginahanglan.
-
Ang mga Santos sa Ulahing mga Adlaw sa La Paz metropolitan area mag-abut sa 40 ka managlahing mga lokasyon.
-
Espanyol ang dominante nga pinulongan apan daghan ang mamulong og Quechua, Aymara, o Guarani.
-
Ang unang misyonaryo sa Bolivia natawag niadtong 1967.
-
Disyembre 2014 mao ang tuig nga nagtimaan sa ika-50 nga anibersaryo sa Simbahan sa Bolivia. Ang mga miyembro sa La Paz mihimo og pang-komunidad nga selebrasyon niadtong Enero 2015.