Tamaroan Anuan Kristo
Iroun Unimwaane David A. Bednar
Man te Kooram n Abotoro n te Tengaun ma Uoman
Man te Brigham Young University–Idaho Religion Symposium te marooro are e anga n Tianuare 25, 2003.
Iesu, are e korakora karawawataakina, e korakora ana nanoanga ibukira ni kabane ngaira ake ti karekea bebeten te karawawataaki.
OTAN TE AONAABA, IROUN, by Howard Lyon
Unimwaane Neal A. Maxwell (1926–2004) e taekina te reirei are e a tia n anganai te kukurei ae nano ao ni katurua taraan mwaitin au kamatebwai, au ururing, ao n iangoia raoi. E taku, “A na bon akea te Mwakuri ni Kamaiu ni karaoaki tii ibukin tamaroan anuan Kristo!”1 Man ongoraean te rongorongo ae ineti ao te atatai ae nano, I tia ni kataia n reiakina riki taekana ao n atatai riki n te taeka ae “te anua.” I a tia ni iangoa raoi te reitaki imarenan tamaroan anuan Kristo ao Ana Mwakuri ni Kamaiu—ao te bwai ae e riki imwin te reitaki anne ibukira n tatabemaniira nako n aroia ana reirei.
Tamaroan anuan te Uea Iesu Kristo
Tao kanikinaean korakoran te anua ni kinaa ao ni kaeka raoi nakoia tabeman aomata ake a rinanon naba kakaewenako ke mwakuri aika a buakaka ae rang n tawe ao ni kairoro iaora. Te anua e kaotaki, n te katooto, n te mwaaka n kanakoa karawawataakiia aomata tabeman ngkai ti bon rawawata; n te atatai are ti kinaa bakiia tabeman ngkana ti bon baki; ao n te mwaaka n arori baira nakoia ao n anga ara nanoanga ibukin korakoran kainnanon tamneia tabeman ngkai ngaira ti bon mena inanon mabubun ana kaangaanga tamneira. Ngkai, te anua e kaotaki man nooranana ibuobuoki nakoia tabeman ngke ae e na bon riki ao te kaeka ae e na roko moa irouna bon ngaia moa ao e na bon anganaki moa, Ngkana aio ni koaua tian te anua are e na uaiakinaki n anuan te aomata, ngkanne te Tia Kamaiu n te aonaaba bon te katooto ae kororaoi n teimatoan aron tamaroan te anua n tangira ae itiaki.
Te Katooto n Tamaroan Anuan Kristo
Tengaun ma Uoman aikai a Kamwanangaki Iroun Iesu, iroun Walter Rane
N te kabanea n amwarake n te ruu ieta n te tairiki, bon te tairiki ike E na rinanon iai korakoran te karawawataaki are e tuai n ririki mai imwaina ni karikan aonaaba ni kabane are e karikaki Irouna, Kristo e taekina taekan te Tia Karaunano ao te rau:
“Bwaai aikai ae I a tia n taekin nakoimi, a kaman mena iroumi.
“Ma te Tia Karaunano, are te Tamnei ae Raoiroi, are E kanakoa te Tama n arau, E na reireiningkami bwaai ni kabane, ao E na kaururing i nanomi bwaai ni kabane ake I atongi nakoimi.
“I katuka te rau i roumi, I anganingkami au rau: I aki anganingkami n ai aron te aba, ngkana e anga. A na tai rawawata nanomi, ao a na tai maaku.” (Ioane 14:27).
Ni kinaakina bwa Ngaia bon Ngaia kanga e a ribaaki ao te taneiai iroura akean te tia karaunano ao te rau, ao inanon te tai ngke Nanona tao e kiriwe ao maaku, te Mwatita e anga ana ibuobuoki ao n anga nakoia tabeman te kakabwaia are e na kona ao ni karekea Kakorakoraana.
Inanon korakoran te tataro ibukiia ana reirei, e karaoaki ni waekoa imwain Iesu ngke nako n riaon te karanga ae Kiteron ma Ana reirei nakon te nne n aroka ae Ketetemane, te Mwatita e tataro ibukiia Ana reirei ao ibukiia ni kabane “ike a riai ni kakoaua irou rinanon aia taeka;
“Ba a na bane n riki n teuana, Tamau, ao ngai inanom. …
“… Bwa a na bane n riki ni katiteuanaki raoi; ao e aonga ni kakoaua te aba ba Ko kanakomaiai, ao Ko tangiriia, ai arom ngkai Ko tangirai. …
“Ao I a kamani kaota aram nako ia, ao N na boni kaotia; ba e na mena i nanoia te tangira are Ko tangirai iai, ao Ngai i nanoia” (Ioane 17:20, 21, 23, 26).
I kaokioki titiraki aikai irou ngke I iangoa raoi aei ao taai ake a riki iai ngke e a kaan kamwaneakina ao karawawatan te Tia Kamaiu n te o n aroka: E kanga ni Kona n tataro ibukin mweeraoia ao katiteuanakiia tabeman bon imwain karawawataakina ae korakora? Tera are e anganna te kona Ngaia ni ukora te raunnano ao te rau ibukiia naake a kainnanoa ae uarereke riki nakon are E kainnanoia? Ngke bwakan te aonaaba are E karikia e tutu riki nakoIna, e kanga ni kona Ngaia n katuruturua nakoina tabeaiangana ibukiia tabeman? E kanga te Mwatita ni kona n anganako riki te buoka ngke e karakoare e karekea? Te rongorongo mairoun Unimwaane Maxwell e karekea te kaeka nakon titiraki aika korakora aika:
“Iesu’ tamaroan riain karawawataakina e koreaki n Ana Mwakuri ni Kamaiu ae kamimii. N akean tamaroan anuan Iesu’ ae kakaawaki n te maiu n tamnei a na bon akea te mwakuri ni kamaiu ae kakukurei! Tamaroan anuana n aron are E na ‘[karawawataaki] kaririaki n aekaia nako’ (Aramwa 7:11), ngkai E aki mutiakini taian kaririaki (taraa D&C 20:22).”2
Iesu, are karawawataaki riki n ae korakora, e tia n anga te nanoanga ae bati ibukiira ni kabane ake e uarereke karawawataakira. Ngaia raoi, nanon te karawawataaki ao te nanoanga e katomaaki ma te iraorao nakon te tangira ae nano n namakinaki iro un temanna are e mwakuriia.
Kakamwakuri ni Ukora te Tangira ae Itiaki
Ti kona inanon maiura aei ni ukora te kakabwaiaaki ma kakawakin mwakoron Tamaroan Anuan Kristo. Ngaia raoi, ti kona ni maiura ngaira aomata ni kekeiaki inanon te etieti ni karekea ana bwaintangira te tamnei n reitaki ma te konaa ni buoka kainnanoiatabeman aomata ake a rinanon kakaewenako ke mwakuri aika buakaka are e karina nikairoro iaora. Ti aki konaa ni karekea te atatai rinanon korakoran atakin karaoan ae buakaka ke babaire i bon iroum. Etina, ti kainnanoa buokara ao ni kainnanoan “rinanon mwakuri aika raraoi, ana nanoanga, ao ana akoi te Mesia ae Tabu” (2 Nibwaai 2:8). Ma “teutana imwiin teutana, te reirei teuana imwiin teuana” (2 Nibwaai 28:30) ao “inanon [te] mwakurian te tai” (Moses 7:21), Ti na kona n anga ara ibuobuoki ngkana te aroaro n aonaaba e okioki ibukira ni kan buokaki.
N na tuangko bwa ngai ao ngkoe ti riai n tataro, kakatabeira, kekeiaki, ao ni mwakuri ni karikirakea anuan Kristo ngkana ti kantaningaia ni karekea tamnein te bwaintangira n te tangira—ana tangira Kristo ae itiaki. Te tangira ae itiaki bon tiaki te anua ke anuan te aomata ae ti reiakinna n onoti rinanon oin ara ukeuke ae iai bukina ae raoiroi ao ni baireia n tokanikai. Ma te koaua ti ria ni karinea ara berita ae tabu ao ni maiu n tau ao ni karaoi bwaai ni kabane are ti kona ni karaoi nakon nakoraoira ibukin te bwaintangira; ma n tokina te bwaintangira ae te tangira ae itiaki e na reke iroura—akea iroura (taraa Moroni 7:47). Te Uea e baireia bwa ngkana ti na karekei ana bwaintangira te tamnei ni kabane, ma ti riai ni karaoi ni kabane inanon korakorara ni karekea, katabeira, kaoa, ao n tau ibukin bwaaintangira. Ngke ti karikarekea te mwakuri n te kawai ae tii te arona ma tamaroan anuan Kristo, ngkanne tao ti kaotia nako karawa n te kawai are moan te korakora nanora n tangira tamaroan te bwaintangira n tamnei ae te tangira ae itiaki. Ao ti mataata ni kakabwaiaaki ma kamiimin te bwaintangiira aei ngke ti karikirakea n anga te ibuobuoki ngkana te aro n aomata nimwaane ao aine are inanora e na oki nakoira.
Iesu bon te Kristo, ana Riki Temanna te Tama ae akea Tokina. I ataia bwa E maiu. I kakoaua bwa tamaroa anuana e karekea ara tai n te maiu aei ao te maiu ae akea tokina. Ti bia anga ara ibuobuoki ngkana iai kainnanoan te ibuobuoki anne iroura e oki nakoira.