Kairake
Ururinga te Uea ni Katoabong
Raoraora, ara mwakuri, ara bwain reirei, TV—a rang mwaiti bwaai aika a katitiki ara iango. Ma ni katoa wiiki, ti berita nakon Tamara are i Karawa bwa [ti] na ururingnga n taainako. [Natina, Iesu Kristo] (taraa D&C 20:79).
Beretitenti Eyring e taekinna bwa ti kona “ni karaoi rinerine ni katoabong” ake a na buokiira n ururinga te Tia Kamaiu. Iangoa katean te kouru n te namwakaina aei n ururinga riki iai te Tia Kamaiu ni katoa bong. Ko kona ni karaoa te karenta ao ni motinanoia ni karaoa teuana te bwai ni katoa bong. Beretitenti Eyring e karinanii bwaai n aron warekan koroboki aika a tabu, te tataro inanon te onimaki, ao ni beku ibukin te Tia Kamaiu ao tabeman. Iai naba kawakinan tienero, irakin bootaki n Taromauri, ongora nakon maungatabu ni kabuta, kaean tembora, anenean kuuna n taromauri—e reitinako te rinan! Ngkai ti uringa te Tia Kamaiu ni katoabong, Beretitenti Eyring e berita bwa “kakabwaia a na … roko ni karaurau ao n teimatoa … [ao] ti na riki bwa ana reirei ni koaua te Uea ae Iesu Kristo.”