Taekan te Onimaki
Ilir Dodaj
Durrës, Albania
Ilir e tuoi ana bwainimwakuri ngke natina te mwaane e tabe n anaa abwakina.
Ilir ao buuna Gjystina a katorobubua n tataro ma natiia.
Ana mwakuri n ibuobuoki llir n aron ae te bitiobi e katea te banna ni katooto ae tamaroa ibukin natina te mwaane, are e taku. “Iai au koaua ae korakora. I tangira au utu ao n tataro ni katoa bong ibukiia aomata ake a kainnanoa buokaia.”
llir ao natina te mwaane a nakonako rinanon kawain Durrës.
Ilir ao Gjystina a kaaina te Ekaretia inanon 10 te ririki.
Te mwakuri n ibuobuoki e aki angaraoi n taainako, ma n aron ana beku te karo ao te bitiobi, e kataia Ilir Dodaj ni kaotia nakoia natina bwa n taainako iai bonganana.
Cody Bell, te tia rawetamnei
Temanna te unaine inanon te uoote e maraki birotona ao e kainnanoa buokana ni katoa bong ibukina bwa e aki kona ni kakamwakuri man ana kainiwene. N tokin te tai, e bubuti tii ngkana N na roko, tiaki temanna ae iai te nakoanibonga irouna ke temanna te aomata, ibukina bwa e rangin aoraki ao e a kaan mate. E namakina te raunnano ngke e buokaki iroun ana bitiobi.
N te bong teuana e karaoaki te korokoro iaon buroou, ao I aki kona ni kawaria inanon tabeua te bong. Ngke I a manga oki riki n nooria, e taku, “Bitiobi, ko kanga n roko ni buokai ngkai ko a tibwa tia ni korokoro?”
I tuangnga, “Nakoau bwa te beku ibukiia aomata.”
E a kan roko ana tai ni mate ao e a moanna n mamaara rabwatana. E bon kaangaanga aron taraakina n arona arei, ma e aki maaku ni mate. E tangira te Atua ao e ataa te babaire ni kamaiu. “I ataia bwa iai ana babaire te Atua ae kamiimi ibukiu,” e taku.
Ngke e a mate, I iangoi au taneiai ma ngaia ao ai tamaroara nakoau n riki bwa te bitiobi. I kakaitau ni beku ibukiia tabeman, n tangiriia tabeman, ao ni buokiia. I tangira te euangkerio aio.