Karakinan Iesu
Iesu E Kaoti Nakon Iotebwa Timiti
Ririki aika a bati imwiin manga utin Iesu, te ataeinimwane ae arana Iotebwa Timiti iai ana titiraki. E aki ataia bwa te ekaretia raa ae e na nako iai.
Iotebwa e wareka te Bwaibara. E taekinna bwa Tamara are i Karawa e na kaekai ara titiraki ngkana ti tataro nakoina. Iotebwa e nakon te buakonikai man tataro nakon Tamana are i Karawa.
Tamara are i Karawa ao Iesu a ruo mai karawa. Iesu e tuanga Iotebwa bwa akea ibuakoia ekaretia akekei ae e na nako iai ibukina bwa bwaai ni kabane ake a reirei taekaia bon tiaki man ana Ekaretia.
Ngke e ikawai rake Iotebwa, e buoka kaokan ana Ekaretia Iesu nakon te aonaaba. E aranaki bwa ana Ekaretia Iesu Kristo Ibukiia Aika Itiaki ni Boong Aika Kaitira. E buokiia aomata n reiakina taekan Iesu ao Tamara are i Karawa.
Warekan koroboki aika a tabu e reireinai riki taekan Tamara are i Karawa. Ngkana I tataro, E kona ni kaeka naba au tataro.