Te Kaeka ae Anainano n tain te Intawiu ibukin te Mwakuri
Gibrair Padilha Dos Santos
São Paulo, Brazil
Kamataata n te tamnei iroun Getty Images
Imwiin anganakiu te mwioko ni kaira te komete ibukin te riki n toronibwai n te titeiki, I ataia bwa I a kamwakuraki. Ma te atatai aei, I tangira ae mwaiti riki ibukin ae nakoraoi riki ni maiu.
I namakinna te nano ae boou ni kan kakaea te mwakuri ae tamaroa riki ao ni bubuti ibukin te ibuobuoki ni korean te retume ae barongaaki. I kanakoa au retume ae boou nakon tabeua taabo ni bitineti ao I waekoa n tareboniiaki ibukin te intawiu.
N teuana, te tia intawiu e kotea teuana te rain iaon au retume n au mwakuri n riki bwa te kauntira n te titeiki beretitentii ao n titiraki, “Ko kona n tuangai inanon nimaua te teekan tera ae kananonaaki n te tieweti n te ekaretia?”
I taekinna bwa I kaina aia bootaki taan kairiiri ake a katabeaki ibukin kairaia ao mweeraoia aomata aika e raka iaon 2,500. E anaaki nanon te tia intawiu ao e taku, “I anganiko teuana te miniti ni bairea aron am kaeka inanon nimaua te teekan nakon te titiraki aei: ko kanga ni kairiia te mwaiti ae 2,500 akanne?”
I ataia bwa aio te tai ni kaotaota n tain te intawiu. I tataro ao ni butiia Tamau are i Karawa ibukin te ibuobuoki ao I waekoa n uringnga te reirei are I reiakinna man te kurubu n te riki n toronibwai. I namakina te mweengaraoi.
Imwiin teuana te miniti, e titiraki te tia intawiu, “Ko kanga ni kairiia te mwaiti akana 2,500 akanne?”
“Ti buokiia ni katea aia kouru,” I kaeka.
Te tia intawiu e teirake, e taua baiu, man taku, “Ko a reke.”
E kamiimi aron te Atua n taua baiu ao ni kaeka au tataro. I kakatonga iroun au Tia Kamaiu ibukin kaungaan nanoia ana taan kairiiri ni karaoi waaki ni katea te riki n toronibwai. I a tia ni kakabwaiaaki iai, ao I a tia n noora te kawai ae beebete, te waaki ae anainano ni karaoan waaki n te riki n toronibwai ni kakabwaiaiia tabeman aika a mwaiti riki n ara titeiki. E anaaki nanou n te konabwai n reirein te riki n toronibwai are e tabeki maiu are ngke I riki bwa te tia kairiiri irouia 15 taan mwakuri n au mwakuri ae boou, I waaki n reireiniia reirein te riki n toronibwai.
I a tia n rikirake ao I a konabwai riki nakon are I taku bwa I kona. Ngkai I a karekea boou are e kateimatoaai ma au utu. Te waaki ae e buokai ni karikirakeai ni katoa bong man buokakira ni karekea te toronibwai ae korakora riki.