សៀវភៅកំណត់ចំណាំសន្និសីទខែ តុលា ឆ្នាំ 2014

មករា 2015

« អ្វីដែលយើងជាព្រះអម្ចាស់បានមានបន្ទូល នោះយើងបានមានបន្ទូលហើយ … ទោះជាដោយសំឡេងរបស់យើងផ្ទាល់ ឬ ក៏ដោយសំឡេងនៃពួកអ្នកបម្រើរបស់យើងក្តី គឺដូចតែគ្នា » ( គ. និង ស.1:38 ) ។

នៅពេលអ្នកមើលសន្និសីទទូទៅខែ តុលា ឆ្នាំ 2014 ឡើងវិញ នោះអ្នកអាចប្រើប្រាស់ទំព័រទាំងនេះ ( និង សៀវភៅកំណត់ចំណាំសន្និសីទនៅច្បាប់ចេញផ្សាយនាពេលខាងមុខទៀត ) ដើម្បីជួយអ្នកសិក្សា និង អនុវត្តការបង្រៀនថ្មីៗរបស់ព្យាការី និង សាវកដែលរស់នៅ និង អ្នកដឹកនាំសាសនាចក្រដទៃផ្សេងទៀត ។

ចម្លើយសម្រាប់អ្នក

សន្និសីទនិមួយៗ ពួកព្យាការី និងសាវក ផ្ដល់ចម្លើយដ៏បំផុសគំនិតចំពោះសំណួរ ដែលសមាជិកសាសនាចក្រអាចមាន ។ សូមប្រើប្រាស់ច្បាប់ខែ វិច្ឆិកា ឆ្នាំ 2014 ឬ ចូលទៅកាន់គេហទំព័រ conference.lds.org ដើម្បីស្វែងរកចម្លើយចំពោះសំណួរទាំងនេះ ៖

តើព្រះវរបិតាសួគ៌ និង ព្រះយេស៊ូវគ្រីស្ទជាអង្គតែមួយតាមរបៀបណា ? ។ សូមមើល រ៉ូប៊ឺត ឌី ហែល « ជីវិតអស់កល្ប — ដើម្បីស្គាល់ព្រះវរបិតាសួគ៌យើង និង ព្រះរាជបុត្រាទ្រង់ ព្រះយេស៊ូវគ្រីស្ទ » ទំព័រ 80 ។
តើទីបន្ទាល់ជាអ្វីទៅ ហើយតើខ្ញុំទទួលបានវាតាមរបៀបណា ? សូមមើល ក្រេហ្គ ស៊ី គ្រីស្ទីនសិន « ខ្ញុំដឹងរឿងទាំងនេះដោយខ្លួនឯង » ទំព័រ 50 ។
តើខ្ញុំត្រូវធ្វើអ្វីខ្លះ ខណៈដែលកំពុងស្វែងរកចម្លើយចំពោះសំណួរនានារបស់ខ្ញុំនោះ ? សូមមើល អិម រ័សុល បាឡឺដ « ចូរនៅលើទូក ហើយតោងឲ្យជាប់ ! » 89 ។

មនុស្សទាំងអស់មានពរដោយសារការតមអាហារ

រូបភាព

Official portrait of Elder Jeffrey R. Holland of the Quorum of the Twelve Apostles, 2004.

« ខ្ញុំសូមថ្លែងជាសាក្សីអំពីអព្ភូតហេតុទាំងនេះ ទាំងខាងវិញ្ញាណ និង ខាងសាច់ឈាម ដែលកើតមានចំពោះជនដែលរស់នៅតាមច្បាប់តមអាហារ ។ … សូមឲ្យតម្លៃដល់ឯកសិទ្ធិដ៏ពិសិដ្ឋនោះយ៉ាងហោចណាស់មួយខែម្ដង ហើយមានចិត្តសប្បុរសធមទៅតាមលទ្ធភាពនៅក្នុងដង្វាយតមអាហាររបស់អ្នក និងដង្វាយសម្រាប់មនុស្សធម៌ ការអប់រំ និងអ្នកផ្សាយសាសនាផ្សេងទៀត ។ ខ្ញុំសូមសន្យាថា ព្រះនឹងមានព្រះទ័យសប្បុរសចំពោះអ្នក ហើយជនដែលទទួលបានជំនួយពីអ្នកនឹងហៅឈ្មោះអ្នកថាមានពរជារៀងរហូត » ។

អែលឌើរ ជែហ្វ្រី អ័រ ហូឡិន « តើយើងទាំងអស់គ្នានេះ ពុំមែនជាអ្នកសុំទានទេឬ ? » Liahona, ខែ វិច្ឆិកា ឆ្នាំ 2014 ទំព័រ 42 ។