ការធ្វើអ្វីមួយដែលល្អសក្ដិសមនឹងពេលវេលាខ្ញុំ
ពេលខ្លះ អាកាសធាតុពិតជាត្រជាក់ ហើយមានព្រិលច្រើនណាស់នៅទីកន្លែងដែលយើងរស់នៅ ។ ពេលខ្លះ យើងត្រូវបានឈប់សម្រាកពីសាលា ហើយជិះគាវទឹកកករបស់យើងចុះពីលើទួលដ៏ធំមួយនៅក្បែរផ្ទះរបស់យើងទៀតផង ។ មានថ្ងៃមួយ កាលយើងកំពុងរៀបចំខ្លួនពាក់អាវរងារ មួក និង ស្រោមដៃរបស់យើង ស្រាប់តែម្ដាយខ្ញុំបានពោលថា កុំចេញទៅខាងក្រៅអី វាត្រជាក់ ហើយមានខ្យល់បក់ខ្លាំងណាស់ ។ ខ្ញុំបានរអ៊ូរទាំ ដោយសារយើងត្រូវនៅតែក្នុងផ្ទះ ។ ខ្ញុំបានចាប់ផ្ដើមត្អូញត្អែរ ហើយម្ដាយខ្ញុំបានពោលថា « កូនត្រូវឡើងទៅបន្ទប់កូន ហើយរកអ្វីមួយធ្វើដែលល្អសក្ដិសមនឹងពេលវេលាកូន » ។
កាលខ្ញុំឡើងទៅដល់បន្ទប់ខ្ញុំ ខ្ញុំបានគិតពីអ្វីដែលព្រះអង្គសង្គ្រោះសព្វព្រះទ័យឲ្យខ្ញុំធ្វើ ។ ខ្ញុំបានសម្រេចចិត្តដើម្បីទន្ទេញមាត្រានៃសេចក្តីជំនឿ ។ ពីរបីម៉ោងក្រោយមក កាលខ្ញុំចុះមកវិញ ខ្ញុំបានប្រាប់ម្ដាយខ្ញុំ បងប្រុស និង បងប្អូនស្រីខ្ញុំថា ខ្ញុំសុំទោសដែលបានរអ៊ូរទាំ ហើយថាខ្ញុំបានទន្ទេញចាំមាត្រានៃសេចក្តីជំនឿគ្រប់មាត្រាទាំងអស់ ។ ពួកគេមានការភ្ញាក់ផ្អើលជាខ្លាំង ! ខ្ញុំបានសូត្រមាត្រានីមួយៗឲ្យពួកគេស្ដាប់ ហើយខ្ញុំមានអារម្មណ៍ល្អដែលបានចំណាយពេលរបស់ខ្ញុំដោយមានប្រយោជន៍ ។
ខ្ញុំគិតថា ព្រះអង្គសង្គ្រោះមានព្រះទ័យរីករាយដោយសារខ្ញុំបានសម្រេចចិត្តរៀនបន្ថែមទៀតពីទ្រង់ នៅពេលទំនេរដែលខ្ញុំមាននៅពេលព្រឹក ។ ខ្ញុំមានអំណរគុណដែលទ្រង់បានប្រទានគ្រួសារ និង ព្រះគម្ពីរមកដល់ខ្ញុំ ដើម្បីជួយយើងរៀនបន្ថែមទៀតពីព្រះវរបិតាសួគ៌យើង និង ព្រះរាជបុត្រាទ្រង់ ព្រះយេស៊ូវគ្រីស្ទ ។