Te Mataroa ao te Kawai
Otenanti ao berita aika tabu n te Nakoanibonga a katei kawaira nakon te maiu are akea tokina ao ni kakabwaiaira ma te korakora are ti kainnanoia n te tai aei.
Ti bane n ukoukora te maiu are akea tokina, are nanona bwa arora ni kamanoaki ao ni karietataki n te kabane n rietata n abanuea are te tiretio, ike ti kona ni maeka iai ni mweengan te Tama are i Karawa n aroia utuu.
N reitaki ma te onimaki inanon Iesu Kristo ao te rairannano, Otenanti ao berita aika tabu n te nakoanibonga a butimwaira n rin n te kawai are e na kairira nakon te maiu are akea tokina. E aki kakanganne ngkana ko rin n te kawai aei ke ko mena ia iaona—bwa tao ko bungiaki n te Ekaretia ke ko rairaki imwina, ke tao ko rangin kakaonimaki inanon maium ni kabane ke ko a tibwa oki nakon ana waaki ni kakukurei te Ekareti—ko kona n rikirake ngkai ngkana ko kabanea nanom iaon am berita aika tabu ao tera ae ko na konaa ni karaoia bwa e na reke iroum ao ni kawakin.
Ao e kakawaki ae ko na ataia bwa otenanti ao berita aika tabu n te nakoanibonga a aki tii anga te berita ibukin taai aika a na roko aika mimitong. A anganira naba te korakora, kamanoaki, ao te boutoka ake ti kainnanoi n te tai aei bwa ti aonga n ira te kawai ao n teimatoa n ua te toki inanon te raoiroi.
Mataroa
Te kawai are e kairira nakon te maiu are akea tokina (n teimatoa n ua te toki)
Tara 2 Nibwaai 31
-
Otenanti ao Berita aika tabu aika Kakawaki
-
Bwabetito
-
Ana Bwaintituaraoi te Tamnei ae Raoiroi
-
N anga te Nakoanibonga ao te katabuaki (ibukia KAIRAKE NI mwaane)
-
Entaumente n te Tembora
-
Kabaebae n te Tembora
-
-
Kabouan ao Kakorakoran taian Otenanti
-
Te Toa—kabouan te berita ae tabu n te bwabetito ni katoa wiiki
-
Ana kakabwaia te Tamanuea—te kairi ae onoti nakon te aomata ao kakabwaia aika beritanaki
-
Kakabwaia ibukia aoraki—buoka ao kamarurungaki
-
Ana kakabwaia te karo ao kakabwaia ake tabeua ibukin te karaunano ao te reirei—te rau ao te kairi ngkana e kainnanoaki
-
Te Maiu are akea tokina (abanuea are te tiretio ma utuu)