Kamwaingan te Bwa
Man “Drawing Closer to God,” Liahona, Nobembwa 2013, 105.
N te taina te kairake n ataeinimwaane e kataia ni kaitiaka te tabo iakuun ana auti bwa e aonga n takakaro ikekei ma ana ka aika taore. Iai teuana te bwa ae bubura ae e tuuka ana mwakuri. Te ataeinimwaane e totokoia ao ni katikia ma korakorana ni kabane. Ma mwaitira korakorana are e kataia, e bon aki kani mwaing te bwa.
Tamana e matakuakina natina teutana te tai. Imwiina e nakon natina ao e taku, “Ko riai ni kabongana ni kabane korakoram ni kamwainga te bwa ae buburakaei aio.”
E kaeka te ataeinimwaane, “I a tia ni kabongana korakorau ni kabane!”
E kaetia Ana karo: “Tiaki, ko tuai. Ko tuai n noora au ibuobuoki!”
Ngkanne a uaia ni baraaki ao ni kamwainga te bwa n te aro ae e rangi ni bebete.
Te Uea e tangiriira bwa ti na onimakinna ibukin katokan ara kangaanga. Imwiina ti na kona n namakina Ana tangira ae teimatoa, ae korakora riki, ae mataata riki, ao ni boni iroumriki. Ti riki ni katiteuanaaki ma Ngaia, ao ti kona n riki n Ai arona.