Te Utu e Bon Kakawaki nakon ana Babaire te Tama are i Karawa

Iroun Jan Taylor

Reirei riki ibukin ana boto n iango te Moanrinann te namakaina aio!

Misha e tangiria ni katei taian taua man bwaai n tatakaro aika buraoki, ma n tabetai ao e bwara nanona ngkana a na buraoki a bwaka nako aontano. Imwiina ao e reirei te bwai ae raba. Ngkana e kamanenai buraoki aika bati inano n ana taua, e angan ana taua aana bwa e a ongoa ni matoa riki. E bon tangira te taotaonannano ao te kataneiai, ma n te tai ae waekoa e a kona ni katei taua aika aikoa kona ni kakai bwaka.

N ai aron Misha are e ereireina aron katean taua aika matoatoa riki, ti kona n reirei ni katea te utu ae korakora riki. Utu a rangi ni kakawaaki ni mwakoron ana babaire te Tama are i Karawa ibukira. Imwain ae ti bungiaki, ti maeka bwa natin te Tama are i karawa ae mwaane ao aine aika tamnei. Ngke e a boo ara tai n nakon te aonaaba, E baireira bwa ti na nakon utu. E tangiriia ara utu bwa a na kamanoira, n reireiniira, ao ni buokiira bwa ti aonga n oki Nakoina.

Ti kona ni mwakuri n anganiia ara utu aaia ae matoatoa riki. Ti kona ni kataneiai ni karaoa te mwakuri n ibuobuoki ao ni buokiira ibon imarenara. Ti kona n ongora nakon ao n taetae n akoi nakoira n tatabemaniira nako. Ti kona n tataro ao ni kamatebwaia booki aika tabu ngaira ni bootaki. Ti kona ni bootaki ni mwakuri ao ni uaia ni karaoi bwaai ake ti kimwareirei iai. Ma te taotaonannano ao te kataneiai, ti kona ni katea te utu ae korakora riki.