Te Rongorongo n Reirei ni Kakawari
Ana Mition Iesu Kristo: Te Tia Kamaiu ao te Tia Kabooi Maiura
Tataro mwaaka ibukin te beeba aei ao ukoukoria bwa ko na ata te bwai ae ko na tibwauaia. E na kanga ataakin maiun ao mwiokoan te Tia Kamaiu ni kakorakora am onimaki Irouna ao ni kakabwaiaia naake ko tararuaia rinanon te kakawari n reirei? Ibukin rongorongona riki tabeua, nakon reliefsociety.lds.org.
Onimaki, Utu, Buoka
Ibuakon ana kabwarabwara ni kamatata Iesu Kristo bon te Tia Kabooi Maiura,” e taku Unimwaane D. Todd Christofferson man aia Kooram Abotoro n te Tengaun ma Uoman. “Kaboa e nanonaki bwa kaitiakan te tabe ke te tarau. Kaboa e kona naba n nanonaki bwa te kamaiu ke kainaomatakina man kabwakaan te mwane. … Ni kabane nanona aikai e katautauaki ma nanon Kaboan maiura aika kakaokoro aika a kakoroaki nanoia iroun Iesu Kristo rinanon Ana Mwakuri ni kamaiu, ake a raonaki, n taekan te rikitinare, ‘ni kainaomataki man te bure ao rekenikai ibukin uruakan te tua, n aron te anga karea ae karaoaki ibukiia taan ni bure.’”1
Linda K. Burton, te beretitenti ni kabuta n te Bootaki n Aine, e taku: “Te Tama are i Karawa … e kanakoa Natina ae Ana Rikitemanna ae kororaoi ibukin ara bure, rawawatan nanora, ao bwaai ake a katanginanoinanon maiura n tatabemanira nako.
“… Temanna te aine ae a tia n rinanon kataaki ao nanokawaki inanon ririki aika mwaiti e taku ngke e tang, ‘I ataia bwa ngai kanga ai aron te mwane ae 20-te tara—mwanunu, uruaki, barekareka, bwainikirinaki, ao ni mwakamwaka. Ma … I teimatoa n tau ma n riki bwa te 20 n tara.’ E ataia te aine aei bwa e … tau iroun te [Atua] bwa e na kanakoa Ana Rikitemanna bwa e na karaoa te mwakuri ni kamaiu ibukin neienne, n tatabemania. A riai aine ni kabane n te Ekaretia n ata ae ataia te aine aei.”2
Man Koroboki aika tabu
Man Rongorongora
Iai inanon te Nu Tetemanti rongorongoia aine aika a kamwakura te onimaki iroun Iesu Kristo, e reirei ao ni maiuakin Ana reirei, ao e kakoaua Ana mwakuri, kakai, ao ana karinerine.
E taku Iesu nakon te aine n te mwanibwa:
“Ma ane e mooi n te ran ae N na anganna ao e na bon aki manga taka; ma te ran ae N na anganna ao bon te mwanibwa n ran inanona ae koburake nako nanon te maiu are aki toki.
“E taku te aine nako Ina, Teuaei, kamai te ran anne, ba I aonga n aki manga taka . …
“I ata [te Mesia] bwa E nangi roko, are aranaki bwa Kristo: ngkana E roko, ao e na tuangira bwai ni kabane.
“E taku Iesu nako Ina, Boni Ngaia Ngai ae I taetae nako im.”
E “kitana ana baketi te aine” ao e kaota Ana koaua Ibukina n te kaawa. (Tara Ioane 4:6–30.)