Sam Tingting blong Famle Haos Naet

Insaed long namba blong magasin ia i gat ol atikol mo ol aktiviti we oli save yusum long famle haos naet. Daon ia i gat 2 eksampol.

“Seven Dei Kasem Ista,” pej 10, mo “Ol Spesel Witnes Oli Testifae abaot Kraes we I Stap Laef,” pej 16: Ating bae yu wantem yusum ol tul insaed ol stori ia blong stap gat ol divosen evri dei wetem famle blong yu long wik bifo Ista. Stat long Sandei bifo Ista, ridim ol testemoni blong Fas Presidensi long pej 17 mo folem ol instraksen long “Seven Dei Kasem Ista.” Wanwan dei afta divosen, ridim ol testemoni blong tufala Aposol mo yusum ol skripja, singsing, mo aktiviti long “Seven Dei Kasem Ista” blong serem wan mesej wetem famle blong yu. Long Ista Sandei, yu save luk Baebol vidio “He Is Risen” we i stap long lds.org/bible-videos (mo i stap nomo long sam lanwis).

“!Hemia i Isi, Bubuman!” pej 67: Afta we yu ridim stori ia, !ating bae yu wantem blong karemaot stopwatj blong yu tu! Gat tingting ia blong ridim wan pej long Buk blong Momon olsem wan famle mo taemem yufala bakegen blong luk se i tekem yufala hamas taem. Yusum taem ia olsem wan gaed, traem tingting se hamas taem bae i tekem famle blong yu blong ridim Buk blong Momon. Ating bae yu wantem blong putum wan gol blong ridim Buk blong Momon tugeta. Mekem wan program, olsem blong rid long wan taem we yu putum blong evri dei, we i save helpem yu kasem gol blong yu.

Foto pikja i kam long Deved Stoka

Long Lanwis blong Yu

Liahona mo ol nara tul blong Jos oli stap long plante lanwis long www.languages.lds.org.