Stap Karem Praemeri I Kam Hom
Famle I Stap Long Medel long Plan Blong Papa long Heven
!Lanem moa abaot Praemeri stamba toktok blong manis ia!
Misa i bin lavem blong bildim ol taoa wetem ol blok, be samtaem hem i kros taem ol blok oli foldaon i godaon long graon. Afta hem i bin lanem wan sikret. Taem hem i yusum moa blok andanit long taoa ia, i givim wan moa strong fandesen long taoa blong hem. I bin tekem fasin blong save wet longtaem mo praktis, be i no longtaem bae hem i save bildim ol taoa we i nomo foldaon isi.
Semmak olsem Misa we i lanem blong bildim ol taoa we oli moa strong, yumi save lanem blong bildim wan moa strong famle. Ol famle oli wan pat blong plan blong Papa long Heven blong yumi we i impoten tumas. Bifo yumi bon, yumi bin laef olsem ol spirit boe mo gel blong Papa long Heven. Taem i bin kam long taem blong yumi blong kam long wol, Hem i bin mekem plan blong mifala blong kam long ol famle. Hem i wantem ol famle blong mifala blong protektem mifala, tijim mifala, mo helpem mifala blong gobak long Hem.
Yumi save wok blong givim wan moa strong fandesen long famle blong yumi. Yumi save praktis blong stap givim seves mo helpem yumi wanwan. Yumi save lisin long mo toktok kaen long wanwan long yumi. Yumi save prea mo stadi olgeta skripja tugeta. Yumi save wok tugeta mo spendem taem tugeta blong stap mekem ol samting we yumi laekem. Wetem fasin blong save wet longtaem, yumi save bildim wan moa strong famle.