“E Rangi ni Bebete Anne, Tibu te unimwaane!”
Man te maroro n te maungatabu ni kabuta n Eberi 2013
“Kam ukeukeu n te Baibara; bwa kam taku bwa e reke te maiu are aki toki i roumi mai iai: ao boni ngaia are e kaotioti i bukiu” (Ioane 5:39).
I tangira ana Boki Moomon ao au Tia Kamaiu, Iesu Kristo. N tebongina ao I titirakina tibu te ataeinaine Raquel bwa tera ana iango ibukin katean ana kouru ni wareka ana Boki Moomon. Raquel e a tibwa reireinna bwa e na kanga ni wareware.
“Ma, Tibu te unimwaane,” e taku, “e bon rangi ni matoatoa. Bon te boki ae bubura.”
Ngkanne I tuangnga bwa e na wareka teuana baana. I anaa te stopwatch ao n tainna. E tii kabanea teniua te miniti ni wareka teuana baana.
Ti wareka ana Boki Moomon n te taetae n Spain, ao ana Boki Moomon n te taetae n Spain iai baana ae 642. I tuangnga ae e na kabanea 1,926 te miniti ni wareka te boki ni kabane.
Aio e na kona ni kakamakua riki, ai ngaia are I karina te nambwa anne ma 60 te miniti. I tuangnga ae e na tii kainnanoa 32 te aoa ni wareka te boki. Anne e na kona ni uarereke nakon tebongina ao te iterana!
Imwiina e taku nakoiu, “Anne e rangi ni bebete, Kuranibwa!”
E anaa ana tai Raquel, mwaanena, Esteban, ao tibura ataei ake tabeman teutana te tai ae bati riki ni wareka ana Boki Moomon. Bukina bwa ngkana ti warekiia, ti kainnanoa te tai n tataro ao n iangoa are ti a tia ni warekia.
N ai aron Raquel ao Esteban, ti kona ni kabane n reireiniira n tangirii booki aika tabu. Imwiina ngaira n tatabemaniira ti kona n takaruaea: “Ai kangkangi ra am taeka i buuau! eng, a kangkangi riki i wiu nakon aia karewe maniberu!” (Taian Areru 119:103).